Jɛremaya 36:8 - EBƆRƐ BE KAWƆL

^8-10 Jehowakim ka ji Juda be efuli so be kuwura be kafɛ nusopo to be kufɔl kpanusopo to nɛ basa na kishi a kule Enyɛnpe Ebɔrɛ fanɛ e wu bumo kuwɔr. Basa nɛ b wɔ Jerusalɛm to nɛ bumo nɛ b shi Juda be ndeana to m ba na kikɛ e daa wɔ ekishi na to. Jemanɛ nɛ basa na daŋ kaŋ asoe a nu na nɛ Baruk kraŋ kusɔ kama nɛ n daŋ kaŋɛ na n sa bumo. E daŋ yili bɔrɛlambu na be awɔlto be kelɔnɛ, a laŋɛ Shafan nɛ e daa la esibɛpo na pibinyɛn, Gɛmariya be ebu be kaba so nna ŋ kraŋ kumo. Gɛmariya be ebu na daa wɔ bɔrɛlambu na be kelɔnɛ nɛ k mata Kabunagboŋ Popɔr na ase nna.

Jɛremaya 36:8 Iomraidhean Croise

Nehemaya 8:3

Yili kachipurdidi n ya fo kapiidi nɛ e yili kelɔnɛ nɛ k mata kabuna so a kraŋ mbra be kawɔl na a sa basa na nɛ baa nu kumo nɛnɛ.

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 32:12

n sa Neria pibinyɛn Baruk nɛ mo nananyɛn la Maaseia na. Hanamɛl nɛ eshɛdajipoana nɛ b yisi enɔ kasawule na be ketɔ be nwɔl na so na nɛ basa nɛ b wɔ ewurkpa be kelɔnɛ na so na kikɛ be anishito nɛ b daŋ ta nwɔl na n sa Baruk.

Jɛremaya 36:4

Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Jɛremaya 36:6

Ama mee sha fanɛ fo yɔ ndoŋ jemanɛ nɛ basa na beeŋ kishi a kule Ebɔrɛ ashi bɔrɛlambu na to n ya kraŋ kawɔl na awɔrso, saŋɛ na so baaŋ nu kusɔ kama nɛ Enyɛnpe Ebɔrɛ na kaŋɛ ma nɛ ma alɛ kute amo n sa fo na. Feeŋ kraŋ kumo nɛ ekama nɛ Juda be basa nɛ b shi ndeana to m ba na kikɛ e nu.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.