Jɛremaya 36:6 - EBƆRƐ BE KAWƆL

⁶ Ama mee sha fanɛ fo yɔ ndoŋ jemanɛ nɛ basa na beeŋ kishi a kule Ebɔrɛ ashi bɔrɛlambu na to n ya kraŋ kawɔl na awɔrso, saŋɛ na so baaŋ nu kusɔ kama nɛ Enyɛnpe Ebɔrɛ na kaŋɛ ma nɛ ma alɛ kute amo n sa fo na. Feeŋ kraŋ kumo nɛ ekama nɛ Juda be basa nɛ b shi ndeana to m ba na kikɛ e nu.

Jɛremaya 36:6 Iomraidhean Croise

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 19:14

Kumo be kaman nɛ n lar kakpa nɛ Enyɛnpe Ebɔrɛ shuŋi ma nɛ n ya bɔ mbe kubɔya nɛ baa tre Tɔfɛf na, n ya yili bɔrɛlambu na be kelɔnɛ so ŋ kaŋɛ basa na kikɛ

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 36:4

Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Zakareya 8:19

E yɛ: “Ekishi nɛ menyee kishi kufɔl nasopo nɛ kenusopo nɛ keshunusopo nɛ kudusopo to na beeŋ ki kayurji nɛ kagbenefuli be nchɛgboŋ n sa Juda be efuli so ebi. Amoso a daga fanɛ men baa sha kashenteŋ nɛ kayurwushi.”

Ashuŋ Shunso 27:9

An daŋ chɛr ndoŋ ga hale nɛ anyi be kenaŋ pɛ ekpa ya ki kpakpa, ŋkpal manɛ so, saŋɛ na so nɛ kachɛ nɛ baa nyiŋi alubi be keyigempaŋ be asheŋ be daŋkare na gba baŋ so.