Jɛremaya 36:5 - EBƆRƐ BE KAWƆL

⁵ Ndoŋ nna nɛ ŋ kaŋɛ Baruk le: “M maŋ naa kɔ ekpa nɛ n yɔ bɔrɛlambu na to ŋkpal benimuana na ka maaŋ sa ma ekpa nɛ n luri kumo to so.

Jɛremaya 36:5 Iomraidhean Croise

Nehemaya 6:10

Kachako nɛ n yɔ nɛ n ya bɔɔ Delai pibinyɛn Shemaya nɛ e la Mehetabel mo nanabi nyɛnso nɛ e daŋ shir a wɔ mbe laŋ to na so nɛ e kaŋɛ ma le: “A daga fanɛ ma nɛ fo ka ŋana bɔrɛlambu na be kakpa cheembi na nseŋ ti akuloŋ, ŋkpal fo doŋana kaa bee sha fanɛ b mɔ fo na so. Baŋ yili kanyɛ ere a yɔ baŋ ba mɔ fo.”

Nshɛ 88:8

Fo shin nɛ nteriana kini ma n lɛ, nɛ ma asheŋ bee nu bumo agbo. M baŋ nyaŋto nna a wɔtɔ, a maaŋ naŋ tiŋ n suge ma kumu.

Jɛremaya 20:2

nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 32:12

n sa Neria pibinyɛn Baruk nɛ mo nananyɛn la Maaseia na. Hanamɛl nɛ eshɛdajipoana nɛ b yisi enɔ kasawule na be ketɔ be nwɔl na so na nɛ basa nɛ b wɔ ewurkpa be kelɔnɛ na so na kikɛ be anishito nɛ b daŋ ta nwɔl na n sa Baruk.

Jɛremaya 32:2

Loŋ be jemanɛ na nɛ Babilɔn be benapo kre kena m ba kulti Jerusalɛm n wɔtɔ a fin kekɔ kumo kena, nɛ ma alɛ wɔ kabuti to ashi ewurkpa be bekumpo be kakpa na.

Jɛremaya 33:1

Jemanɛ nɛ ma, Jɛremaya, kraa wɔ kabuti to ashi ewurkpa be bekumpo be kakpa na, nɛ Enyɛnpe Ebɔrɛ na naŋ kaŋɛ ma le:

Jɛremaya 37:15

B daŋ nya agbo ga nna n wɔtɔ ma nseŋ kaŋɛ esoji na fanɛ b bri ma. Kumo be kaman nɛ b keta ma n yɔ Jonatan nɛ e la ewurkpa be ekrachi na be eko be laŋ nɛ b ta ŋ ki kabuti be kakpa na n ya ti ebu.

Jɛremaya 38:28

Nɛ b yige ma ewurkpa be bekumpo be kakpa na n ya fo kachɛ nɛ b ba kɔ n pɔɔ Jerusalɛm so n sɔ kumo na.

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 40:4

To, kabre mee lara ŋgbɛlɛbi ere fo enɔana to nna nɛ fo nya fo kumu. Nɛ fee sha ketu ma n yɔ Babilɔn be efuli so, feeŋ tiŋ n yɔ nɛ m baa keni fo so. Nɛ fo maa sha keyɔ malɛ, feeŋ tiŋ ŋ kini keyɔ. Efuli ere kikɛ dese nna n sa fo nɛ fo lara kusɔ nɛ fee sha. Feeŋ tiŋ n yɔ kaplɛkama nɛ fee sha.”

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.