Jɛremaya 36:2 - EBƆRƐ BE KAWƆL

² “Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 36:2 Iomraidhean Croise

Ɛzra 6:2

Ndoŋ nna nɛ b wu kawɔl ko ashi Midia be efuli so be kadegboŋ nɛ baa tre Ɛkbatana na. Kubɔya nɛ k daa wɔ kawɔl na to nde:

Job be kawɔl 31:35

Esa ko maaŋ nu kusɔ nɛ mee kaŋɛ ere nseŋ ji n chɛ ma to a? Nɛ fanɛ Ebɔrɛ wu kusɔ ko ma so gba nna, e malga ŋko n sibɛ kumo n sa ma.

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Ɛksodɔs 17:14

Kumo be kaman nɛ Enyɛnpe Ebɔrɛ kaŋɛ Mosis le: “Sibɛ kekɔmpɔɔso ere be asheŋ kikɛ n nase kawɔl to, saŋɛ na so k beeŋ baa la kanyiŋi nɛ fo kraŋ kumo ŋ ŋini Joshuwa. Ŋkpal manɛ so meeŋ mur Amalɛkebi nɛ b ka na kikɛ cheche ashi kasawule so nɛ esa kikɛ maaŋ naŋ nu bumo be asheŋ.”

Aizaaya 8:1

Ndoŋ nna nɛ Enyɛnpe Ebɔrɛ na kaŋɛ ma le: “Ta kusɔ sibɛso peŋgelembi n sibɛ le ŋ deŋi kumo so: ‘NYA MANAŊ N FUU ASƆ; NƐ NYA MANAŊ Ŋ KƆ N SUGE ASƆ.’ Sibɛ amo kananɛ esa kikɛ beeŋ tiŋ n wu ŋ kraŋ n deŋi kumo so.

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Jɛremaya 2:4

Menyi Israɛl be nnanto ebi kikɛ nɛ men la men nananyɛn Jeekɔb be kaman to ebi, men nu Enyɛnpe Ebɔrɛ na be kubɔya.

Jɛremaya 25:3

“Beeŋ wora fanɛ nfɛ adunyɔ nɛ asa nna na Enyɛnpe Ebɔrɛ na ka sa ma kubɔya fanɛ n ta n sa menyi. Ma alɛ maŋ kini kubɔya na be kebɔ n sa menyi, ama menyi maŋ nu n sa kumo. Ammɔn pibinyɛn, Josaya ka ji kuwura Juda be efuli so be nfɛ kuduasa to nna na.

Jɛremaya 30:2

“Jɛremaya, sibɛ kusɔ kama nɛ ŋ kaŋɛ fo n wɔtɔ kawɔl to,

Jɛremaya 36:14

Kumo be kaman nɛ benimuana na shuŋi Jehudi nɛ e la Netaniya pibinyɛn nɛ mo alɛ la Kushi pibinyɛn nɛ Shelemaya mo nanabi, fanɛ e ya kaŋɛ Baruk fanɛ e ta kawɔl nɛ e kraŋ n sa basa na m ba. Nɛ Baruk ta kawɔl na n ya sa bumo.

Jɛremaya 36:18

Nɛ Baruk shuli so ŋ kaŋɛ: “Jɛremaya e kute kumo be kamalga kama n sa ma nɛ ma alɛ sibɛ amo n nase kawɔl ere to”

Jɛremaya 36:23

Jehudi ka baŋ kraŋ kawɔl na be egbaŋ asa ŋko ana n loge nɛ ewura na ta kasaŋɛbi ŋ ku ndoŋ n lɛ edɛ na to. Aloŋ nɛ e wora n chɔɔ kawɔl na kikɛ m mur.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 36:6

Ama mee sha fanɛ fo yɔ ndoŋ jemanɛ nɛ basa na beeŋ kishi a kule Ebɔrɛ ashi bɔrɛlambu na to n ya kraŋ kawɔl na awɔrso, saŋɛ na so baaŋ nu kusɔ kama nɛ Enyɛnpe Ebɔrɛ na kaŋɛ ma nɛ ma alɛ kute amo n sa fo na. Feeŋ kraŋ kumo nɛ ekama nɛ Juda be basa nɛ b shi ndeana to m ba na kikɛ e nu.

Jɛremaya 45:1

Jehowakim nɛ e la ewura Josaya pibinyɛn na ka ji Juda be kuwura be kafɛ nasopo to nɛ Baruk sibɛ kusɔ nɛ ŋ kaŋɛ mo na n nase. Kumo be kaman nɛ ŋ kaŋɛ mo

Jɛremaya 51:60

Pɔɛŋ nɛ b lar n yɔ Babilɔn be efuli so na, n daŋ sibɛ ejɛrbi nɛ asheŋ nɛ a beeŋ ba Babilɔn be efuli so be basa so na kikɛ nna n wɔtɔ kawɔl to.

Ezikɛl 2:9

Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Hoziya 8:12

Mbra damta nɛ n sibɛ n sa menyi, ama men kini amo kikɛ nseŋ kaŋɛ fanɛ a la keŋini pɔtɛ nna.

Ditɛronɔmi 31:24

Ndoŋ nna nɛ Mosis sibɛ Ebɔrɛ be mbraana na kikɛ nyam n wɔtɔ kawɔl to. E daa maŋ yige amo be kekama n lɛ.

Hibruwebi 10:7

Ade so nɛ n daŋ kaŋɛ fo le na: ‘Ebɔrɛ, ma nde nɛ n wora fo aparsheŋ fanɛ kananɛ b sibɛ abɔrɛsibɛ na to a kaŋɛ ma asheŋ na.’ ”