Jɛremaya 36:18 - EBƆRƐ BE KAWƆL

¹⁸ Nɛ Baruk shuli so ŋ kaŋɛ: “Jɛremaya e kute kumo be kamalga kama n sa ma nɛ ma alɛ sibɛ amo n nase kawɔl ere to”

Jɛremaya 36:18 Iomraidhean Croise

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 36:27

Ewura Jehowakim ka chɔɔ kawɔl nɛ n daŋ kute n sa Baruk nɛ e sibɛ n nase na be kaman, nɛ Enyɛnpe Ebɔrɛ na naŋ kaŋɛ ma fanɛ

Jɛremaya 36:32

Ade kikɛ be kaman nɛ n ta kawɔl pɔtɛ n sa Baruk nɛ e la ma esibɛpo na, nɛ e naŋ sibɛ kusɔ kama nɛ ŋ kute n sa mo na n nase. Kusɔ kama nɛ k daa wɔ sososo be kawɔl nɛ Ewura Jehowakim chɔɔ na to nɛ abɔya popɔr nɛ a chɔ adra na kikɛ nɛ e sibɛ n wɔtɔ kumo to.

Jɛremaya 36:4

Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Jɛremaya 45:1

Jehowakim nɛ e la ewura Josaya pibinyɛn na ka ji Juda be kuwura be kafɛ nasopo to nɛ Baruk sibɛ kusɔ nɛ ŋ kaŋɛ mo na n nase. Kumo be kaman nɛ ŋ kaŋɛ mo