Jɛremaya 35:2 - EBƆRƐ BE KAWƆL

² “Jɛremaya, yɔ Reekab be kanaŋ to be basa kutɔ n ya kaŋɛ bumo fanɛ b shin nɛ fo nɛ bumo e yɔ bɔrɛlambu na to be ebuana na be kuko to. Men kaŋ yɔ ndoŋ nɛ fo ya sa bumo yabra.”

Jɛremaya 35:2 Iomraidhean Croise

1 Bewura 6:10

E daŋ naŋ pɔr ebuwurbiana nɛ baa ta asɔwurbiana a wɔtɔ nna m mata bɔrɛlambu na be egbal na so. Sida be ndibi be elarbeŋ nɛ b daŋ ta m buu ebuana nɛ b pɔr m mata bɔrɛlambu na so. Ebu na be kekama be jeŋgreŋ daa la ayadra ashunu nɛ bargato nna.

1 Bewura 6:8

Ebu nɛ k wɔ kaseto na be kabuna daa wɔ bɔrɛlambu na be kelargato be kaseto be kaba so nna. Ndoŋ nɛ b daŋ yili n wora diiso a yɔ ebu nyɔsopo na nɛ kesasopo na kikɛ to.

1 Kronikɛls 2:55

Salma e daa la Jabez be kabuna ebi na bumo nananyɛn mo nɛ e daa sibɛ bumo be demuji be asheŋ nɛ abane be asheŋ kikɛ a nase. Bumo e daa la, Tirafebi nɛ Shimitebi nɛ Sukaebi. Bumo nɛ Rekabebi kikɛ daa la Haamaf nɛ e la Kɛn be esa na be kenana nna.

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 28:12

E daŋ ŋini mo kananɛ e beeŋ wora kumo be kelɔnɛ na nɛ ebuana nɛ a kulti kumo na nɛ kakpa nɛ baa ta bɔrɛlambu na to be amansherbi nɛ asɔ nɛ b kɔ a shuŋ Ebɔrɛ na nɛ ŋkɛ nɛ b ta m ba sa Enyɛnpe Ebɔrɛ na a wɔtɔ na nna.

1 Kronikɛls 9:26

B daŋ ta ebuana nɛ a wɔ bɔrɛlambu na to na nɛ ekpanjawu nɛ a wɔ kumo to na kikɛ be kushuŋ nna n sa mbunakenipoana be benimu ana nɛ b la Livaiebi na nna.

1 Kronikɛls 9:33

Livai be kanaŋ na to be bejuŋkparpo nɛ b la bɔrɛlambu na to be beshɛbompo na daa wɔ bɔrɛlambu na to nna. Bumo ere daa maŋ naa kɔ kushuŋ kikɛ a shuŋ ŋkpal manɛ so kapa nɛ kanyɛ kikɛ baa shuŋ bɔrɛlambu na to nna.

2 Kronikɛls 3:9

Shuwa nɛ amo be egbɛ sa fanɛ kilo be bargato nɛ b ta n lɔŋɛ kumo be anyembi nseŋ ta shuwa m mata m mata kumo be esoso be ebuana na be egbalana so.

2 Kronikɛls 31:11

Nɛ ewura na shin nɛ b pɔr ebuana nɛ baaŋ ba ta asɔ a yili to ashi bɔrɛlambu na be kelɔnɛ na be ekarso,

Ɛzra 8:29

Men baa de amo so nɛnɛ hale nɛ men ya fo Jerusalɛm nseŋ karga amo m bɔɔ bɔrɛmatapoana na enɔ ashi bɔrɛmatapo nimuso na nɛ Livaiebi nɛ Israɛlebi be nnaŋ be benimu na kikɛ be anishito ashi bɔrɛlambu na to.”

Nehemaya 13:5

E daŋ shin nna nɛ Tobaya daa wɔ ebuana na be kegboŋgboŋi nɛ baa yili asɔ be yiri yiri fanɛ esarga be aboyu nɛ duwu nɛ bɔrɛlambu na to be asɔ daŋɛso nɛ ashuŋsɔ nɛ ayu nɛ yabra nɛ ɔlif be ŋku be kudu kudusopo nɛ b bar m ba sa Livaiebi nɛ beshɛbompo na nɛ bɔrɛlambu na to be bekumpo na nɛ ŋkɛ nɛ b bar m ba sa bɔrɛmatapoana na kikɛ na to.

Jɛremaya 35:3

Ndoŋ nna nɛ ŋ keta Jaazania nɛ mo tuto la Jɛremaya nɛ mo alɛ mo tuto daa la Habazzinaya na nɛ bumo be kanaŋ na be benyɛn kikɛ

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Jɛremaya 35:8

Anyi be kabuna ebi bee wora kusɔ kama nɛ an nananyɛn Jonadab kaŋɛ anyi kenishipereso na kasonu nna. Amoso anyi ŋko anyi be beche ŋko mbia be ekama maŋ naŋ nuu yabra ŋ ku so kikɛ;

Ezikɛl 40:16

Etokuro wurbi daa wɔ egbal asa nɛ a wɔ bekumpo be ebuana to na nna. Amo alɛ baa du fanɛ amo nɛ a wɔ kabuna to be ebu na to na nna. B daŋ wora abii be ndibi be nduli nna n deŋi kedɛdɛ na be epunto be egbalana so.