Jɛremaya 34:5 - EBƆRƐ BE KAWƆL

⁵ Feeŋ wu kayurwushi so nɛ b puga ndishiŋ n shu fo keeli m a ŋini bunyaŋ nɛ b kɔ a sa fo. Baaŋ shu fo keeli fanɛ kananɛ b shu fo nananyɛnana nɛ b daa la bewura nseŋ wu na be nli na. Baaŋ baa shu fo keeli a kaŋɛ: ‘Anyi be ewura e wu! Anyi be ewura e wu o!’ Ma, Enyɛnpe Ebɔrɛ e kaŋɛ na.”

Jɛremaya 34:5 Iomraidhean Croise

2 Bewura 22:20

amoso kasogberge nɛ ŋ kɔ a ba Jerusalɛm be basa so na maaŋ ba, ama e wu kagbenewushiso nna pɔɛŋ.” Ndoŋ nna nɛ basa na ta kubɔya na n ya sa ewura Josaya.

2 Kronikɛls 16:14

nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

2 Kronikɛls 34:28

amoso kasogberge nɛ ŋ kɔ a ba Juda be basa so na maaŋ ba, ama fo wu kagbenewushiso nna pɔɛŋ.” Ndoŋ nna nɛ basa na ta kubɔya na m ba sa ewura Josaya.

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Jɛremaya 34:4

Ewura Zɛdikaya, kaŋ kusoe n nu kusɔ nɛ mee kaŋɛ fo ere. B maaŋ mɔ fo kena to.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 17:16

Kumo be kaman nɛ Enyɛnpetale Ebɔrɛ kaŋɛ le: “Ŋ ka baa la Enyɛnpetale Ebɔrɛ nɛ e bee sa ŋkpa ere bre, Juda be ewura ere beeŋ wu ashi Babilɔn be efuli so, ŋkpal e ka lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman so nseŋ wora n da mo gbagba be ntaŋ nɛ e bɔ na so so.

Danɛl 2:46

Ndoŋ nna nɛ ewura Nebukadneeza dese kasawule Danɛl be anishito bunyanso m ponte ŋ kaŋɛ fanɛ b lara sarga nseŋ chɔɔ duwu n sa Danɛl.

1 Samuɛl 31:12

nɛ bumo be basa nɛ b kɔ kenyɛn ga na koso kanyɛso na kikɛ n nite n yɔ Bɛf Shan, n ya lara Sɔɔl nɛ mbe mbinyɛnsobi na be eyurana ashi egbal na so m bɛta amo n yɔ Jabesh n ya chɔɔ amo ndoŋ.