Jɛremaya 34:3 - EBƆRƐ BE KAWƆL

³ Baaŋ pɛ fo n yɔ ewura Nebukadneeza kutɔ nɛ fo nɛ mo e wu abar kenishiso nseŋ malga abar kutɔ. Kumo be kaman nɛ b yɛr fo Babilɔn be efuli so.

Jɛremaya 34:3 Iomraidhean Croise

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 27:22

Babilɔn be basa beeŋ ba sulɔ amo alɛ gba n yɔ bumo be efuli so nɛ e ya kaa wɔ ndoŋ n ya fo saŋɛ nɛ meeŋ shin nɛ b naŋ bɛta amo m ba amo be kakpa ashi Jerusalɛm to. Ma, Enyɛnpe Ebɔrɛ e kaŋɛ na.”

Jɛremaya 32:28

Meeŋ shin nɛ Babilɔn be ewura, Nebukadneeza nɛ mbe benapo, e kɔ m pɔɔ Jerusalɛm be basa so

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 32:4

Ewura Zɛdikaya maaŋ nya n shile. Baaŋ pɛ mo n ya sa Babilɔn be ewura nɛ mo nɛ mo e wu abar kenishiso nseŋ malga abar kutɔ.

Jɛremaya 34:21

Ma alɛ beeŋ ta Juda be ewura Zɛdikaya nɛ mbe benimuana m bɔɔ Babilɔn be ewura nɛ mbe benapo nɛ b maŋ naa kɔ menyi kena na enɔ nɛ b mɔ.

Jɛremaya 34:4

Ewura Zɛdikaya, kaŋ kusoe n nu kusɔ nɛ mee kaŋɛ fo ere. B maaŋ mɔ fo kena to.

Jɛremaya 37:17

Ndoŋ nna nɛ ewura Zɛdikaya shuŋi fanɛ b ya bar ma mo kutɔ. Ma nɛ mo nawule ka daa la na nɛ e bishi ma le: “Kubɔya ko wɔtɔ nɛ k shi Enyɛnpe Ebɔrɛ na kutɔ a ba anyi kutɔ a?” Nɛ n shuli ŋ kaŋɛ: “Mm, Yiramu, kubɔya wɔtɔ. Enyɛnpe Ebɔrɛ na beeŋ shin nɛ Babilɔn be ewura e pɛ fo ŋ ki kenya.”

Jɛremaya 38:18

Ama nɛ fo maŋ shuli n sɔ kapɔshi nseŋ tɔr n sa bumo, meeŋ ta kadegboŋ ere m bɔɔ Babilɔnebi na enɔ nɛ b chɔɔ kumo n lɛ, fo alɛ maaŋ nya n shile bumo.”

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Ezikɛl 12:13

Ma, Enyɛnpe Ebɔrɛ na beeŋ to kashewu m pɛ mo jemanɛ nɛ e bee lar Jerusalɛm to a shile na nseŋ yɛr mo kadegboŋ nɛ baa tre Babilɔn na to, ama e maaŋ wu kadegboŋ na kenishiso hale nɛ e ya wu ndoŋ.

Ezikɛl 17:15

Ama ewura popɔr nɛ Babilɔn be ewurgboŋ lara na pal kaman n sa mo nseŋ shuŋi mbɔ Ijipt be efuli so a fin egbaŋɛ nɛ benapo damta. Fo tama fanɛ ewura ere beeŋ ji n lar kusɔ nɛ e bee wora ere to a? E maaŋ tiŋ n lar kɔnɔkoŋwule be ŋkre na kaman nsaa maŋ nya kumo be kasogberge!”

Ezikɛl 17:16

Kumo be kaman nɛ Enyɛnpetale Ebɔrɛ kaŋɛ le: “Ŋ ka baa la Enyɛnpetale Ebɔrɛ nɛ e bee sa ŋkpa ere bre, Juda be ewura ere beeŋ wu ashi Babilɔn be efuli so, ŋkpal e ka lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman so nseŋ wora n da mo gbagba be ntaŋ nɛ e bɔ na so so.

Ezikɛl 21:25

Fo, Israɛl be ewura lubi nɛ kumu kpakpaso wura ere, fo kasogberge be kachɛ maaŋ naŋ chɛr nseŋ fo.