Jɛremaya 34:21 - EBƆRƐ BE KAWƆL

²¹ Ma alɛ beeŋ ta Juda be ewura Zɛdikaya nɛ mbe benimuana m bɔɔ Babilɔn be ewura nɛ mbe benapo nɛ b maŋ naa kɔ menyi kena na enɔ nɛ b mɔ.

Jɛremaya 34:21 Iomraidhean Croise

2 Bewura 25:6

Kumo be kaman nɛ b keta ewura Zɛdikaya n yɔ ewura Nebukadneeza kutɔ ashi kadegboŋ nɛ baa tre Ribla na nɛ ewura Nebukadneeza ji mo demu ŋ kaŋɛ fanɛ e wora n jija.

Jɛremaya 22:25

Meeŋ ta fo n sa Babilɔn be ewura Nebukadneeza nɛ mbe benapo nɛ baa sha kemɔ fo nɛ fee ŋana bumo na.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 32:4

Ewura Zɛdikaya maaŋ nya n shile. Baaŋ pɛ mo n ya sa Babilɔn be ewura nɛ mo nɛ mo e wu abar kenishiso nseŋ malga abar kutɔ.

Jɛremaya 39:6

Kumo be kaman nɛ e mɔ ewura Zɛdikaya be mbinyɛnsobi nɛ Juda be benimuana na nɛ e yil a keni.

Jɛremaya 44:30

Meeŋ ta Ijipt be ewura Hofra m bɔɔ mo doŋana nɛ baa fin mo nɛ b mɔ na enɔ, fanɛ kananɛ n daŋ ta Juda be ewura Zɛdikaya m bɔɔ Babilɔn be ewura Nebukadneeza nɛ e daa la mo doŋ nseŋ daa fin mo nɛ e mɔ na enɔ na.”

Jɛremaya 52:10

Ribla be kadegboŋ to ndoŋ nɛ ewura Nebukadneeza shin nɛ b mɔ ewura Zɛdikaya be mbinyɛnsobi nɛ Juda be efuli so be benimuana nɛ e yil a keni.

Jɛremaya 52:8

Ama Babilɔn be benapo na daŋ ju bumo nna n ya pɛ ewura Zɛdikaya a mata keplasawule nɛ k mata kade nɛ baa tre Jɛriko na, nɛ mbe benapo kikɛ pesaŋ to nseŋ shile ŋ ka mo.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 17:12

“Bishi Israɛl be basa nɛ b pal kaman n sa ma ere fanɛ b pin keŋasa ere be kefito a? Kaŋɛ bumo fanɛ Babilɔn be efuli so be ewurgboŋ e ba Jerusalɛm to m ba pɛ Juda be ewura nɛ mbe benimuana m bɛta n yɔ Babilɔn be efuli so.

Ezikɛl 17:16

Kumo be kaman nɛ Enyɛnpetale Ebɔrɛ kaŋɛ le: “Ŋ ka baa la Enyɛnpetale Ebɔrɛ nɛ e bee sa ŋkpa ere bre, Juda be ewura ere beeŋ wu ashi Babilɔn be efuli so, ŋkpal e ka lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman so nseŋ wora n da mo gbagba be ntaŋ nɛ e bɔ na so so.

Ezikɛl 17:20

Kewora fanɛ kashewu nɛ n ta m pɛ mo nseŋ yɛr mo Babilɔn be efuli so n ya ji mo demu ndoŋ ŋkpal e ka maŋ ji kashenteŋ n sa ma so.