Jɛremaya 34:15 - EBƆRƐ BE KAWƆL

¹⁵ Ama menyi ere daŋ wora kusɔ nɛ k par ma. Men kikɛ daŋ shuli so nna fanɛ menyeeŋ yige men braana Israɛlebi na nseŋ ba yili ma anishi to ashi bɔrɛlambu nɛ menyee shuŋ ma na to n wora kɔnɔkoŋwule be ŋkre.

Jɛremaya 34:15 Iomraidhean Croise

2 Bewura 12:2

E daa wora kusɔ nɛ k walɛ Enyɛnpe Ebɔrɛ be anishito nna ŋkpal manɛ so bɔrɛmatapo Jehowada e daŋ bela mo.

2 Bewura 14:3

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule fanɛ kananɛ mo nananyɛn ewura Deevid bre daa wora na. Kusɔ nɛ mo tuto Jɔash daŋ wora na gbagba nɛ mo alɛ gba daŋ wora.

2 Bewura 23:3

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na, kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 34:8

Ewura Zɛdikaya nɛ Jerusalɛm to be basa na daŋ wora kɔnɔkoŋwule nna ŋ kaŋɛ fanɛ baaŋ yige

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Matiu 15:8

‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.