Jɛremaya 34:14 - EBƆRƐ BE KAWƆL

¹⁴ nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Jɛremaya 34:14 Iomraidhean Croise

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

1 Bewura 9:22

Ewura Sɔlɔmɔn daa maa tintiŋ Israɛlebi na bre nɛ baa shuŋ ashuŋ kpakpaso ama e daŋ ta bumo be beko nna ŋ ki benapo n ta beko malɛ ki benapo be benimu n ta beko ŋ ki egbaŋɛturko be benimu nɛ beko malɛ bee dii egbaŋɛ a kɔ kena.

2 Kronikɛls 28:10

Naniere menyeeŋ sha keta Juda nɛ Jerusalɛm be benyɛn nɛ beche nna ŋ ki men be anya na. Menyi maŋ nyi fanɛ nɛ men wora loŋ menyi alɛ gba wora alubi ŋ gbiti Enyɛnpe men be Ebɔrɛ na nna ere a?

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nehemaya 9:30

Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 32:30

Israɛl nɛ Juda be basa be edaŋkaresheŋ to be sososo kikɛ, b maŋ tiŋ n wora asheŋ nɛ a par ma. Bumo be asheŋ woraso bee wɔtɔ ma agbo to nna.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Ezikɛl 20:4

Dimɛdi pibi, fo wora shiriya nɛ fo kpele bumo kusoe a? Kumo ere nyiŋi bumo ekishisheŋ nɛ bumo tutoana daŋ wora na be asheŋ,

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Eemɔs 8:6

Saŋɛ mo nɛ anyeeŋ baa ta amimi a wea ayu to a fa yawu kpakpaso nsaa tɔ betentaŋasepo nɛ betirpo kesebeta be yawu ŋ ki anyi be anya.”

Romebi 7:24

Yee, nuso bre be asheŋ e nya ma le? Nɛ wanɛ malɛ e naaŋ mɔlga ma ashi le be eyur nɛ k kɔ ma a yɔ luwu to ere?

Ditɛronɔmi 15:1

Nfɛ ashunu kikɛ be lalaloge menyeeŋ ta bekama nɛ b ji menyi akɔ na kikɛ be akɔ nɛ b ji na m paŋ bumo.

Ditɛronɔmi 15:12

Israɛl be enyɛn ŋko eche kama nɛ e beeŋ fa mbe kumu ŋko nɛ esa beeŋ fa n sa menyi be ekama, a daga fanɛ nɛ e baŋ shuŋ nfɛnshe, men yige mo kafɛ shunusopo na to nɛ e baa yɔ.

Ditɛronɔmi 15:9

Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.