Jɛremaya 33:9 - EBƆRƐ BE KAWƆL

⁹ Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Jɛremaya 33:9 Iomraidhean Croise

2 Kronikɛls 20:29

Ndoŋ nna nɛ kufu pɛ efuli kama nɛ k nu kananɛ Enyɛnpe Ebɔrɛ kɔ m pɔɔ Israɛlebi bumo doŋana so na ga.

Nehemaya 6:16

Anyi doŋana nɛ b wɔ efuli pɔtɛ so na ka nu loŋ nɛ kufu pɛ bumo, ŋkpal ekama na ka pin fanɛ Ebɔrɛ be kechɛto so nɛ kushuŋ na tiŋ n loge.

Ɛsta 8:17

Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 40:3

E sa ma kashɛ popɔr nna, nɛ m boŋ n fur mo, nɛ basa damta e wu kusɔ nɛ Enyɛnpe Ebɔrɛ na wora, nsaa ŋana mo; saŋɛ na so, baaŋ ta bumo be yirda n deŋi mo so.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Aizaaya 55:13

Ndibi sɔrso beeŋ kɔr n yili mboŋ nɛ ewidibi daa yil, saŋɛ na so k beeŋ baa la tɔɔnɛ a dese mbaanaayɔ. Kumo alɛ beeŋ naa la kanyiŋi a laŋɛ kusɔ nɛ ma, Enyɛnpe Ebɔrɛ na wora be kaplɛa so.”

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Aizaaya 62:1

Meeŋ malga n leŋ Jerusalɛmebi to. M maaŋ lo ma kɔnɔ kikɛ, ama b nya kumɔlga nna nɛ bumo be kekɔmpɔɔso e dii efuli fanɛ kabulpi nɛ k chɔɔ so kanyɛso nɛ ekama wu kumo na nna.

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Aizaaya 62:7

B sa maŋ sa Enyɛnpe Ebɔrɛ na ewushi kikɛ, ama e bɛta Jerusalɛm nna n yili kumo be eyilikpa, nseŋ shin nɛ k ki kadegboŋ nɛ durnya to be basa kikɛ bee kpaŋ kumo na nna.

Aizaaya 64:2

A beeŋ baa chicha fanɛ nchu ka bɛ edɛ so a falte na. Lara fo eleŋgboŋ ŋ ŋini fo doŋana n shin nɛ kufu e pɛ efuli pɔtɛana na nɛ bumo alɛ gba e baa chicha fo anishito!

Jɛremaya 13:11

Kananɛ dɔkɔri bee yili esa be kashɛr to nɛnɛ na nɛ n daa sha Israɛl nɛ Juda be basa kikɛ e baa yil ma kaman. N daa sha fanɛ efuli kama so ebi e pin fanɛ b la ma basa nna, saŋɛ na so baaŋ baa kpaŋ ma nsaa maŋkura ma. Ama b kini kewora ma kasonu.”

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 29:1

N daŋ sibɛ kawɔl n sa bɔrɛmatapoana nɛ anebiana nɛ bejuŋkparpoana nɛ basa kama nɛ ewura Nebukadneeza daŋ pɛ n shi Jerusalɛm n yɔ Babilɔn be efuli so na kikɛ nna.

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Jɛremaya 31:14

Meeŋ sa bɔrɛmatapoana na kusɔ jiso alegaiso, nseŋ sa ma basa asɔ kama nɛ a daga bumo. Ma, Enyɛnpe Ebɔrɛ e kaŋɛ na.”

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 32:42

Kananɛ m baŋ shin nɛ basa ere ji jɛrbi na, aloŋ nɛ meeŋ shin nɛ b nya asɔ lela nɛ n nase amo be kɔnɔ na.

Jɛremaya 33:14

Kede be kaman nɛ Enyɛnpe Ebɔrɛ na naŋ kaŋɛ le: “Nchɛ nɛ meeŋ wora m bɔlɔ ma nnɔ naseso lela nɛ n nase n sa Israɛl nɛ Juda be basa na bee ba.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 49:25

Jemanɛ ko ma kagbene daŋ fuli menyi be kadegboŋ nɛ k kɔ ketre na so nna. Ama naniere mee kpele menyi kusoe nna fanɛ men lar kumo to n shile m mɔlga menyi be amu.

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

Ezikɛl 36:35

Nɛ ekama na e naŋ kaŋɛ fanɛ kasawule nɛ k daa la kudɔpuŋ a dese jiga na a kilgi a walɛ fanɛ Iden be Kudɔbi na. Kumo be kaman nɛ wu kananɛ ndeana nɛ a daŋ ki alambure a dese nɛ shɛŋ daa maŋ naa wɔ amo to na naŋ nya basa nɛ b pɔr egbalana ŋ kulti amo nsaa wɔ amo to na.

Ezikɛl 39:13

Ekama nɛ e wɔ kasawule na so beeŋ chɛ to m puli bumo, nɛ kumo be loŋ e shin nɛ b nya kemaŋkura kachɛ nɛ meeŋ kɔ m pɔɔ so na. Ma, Enyɛnpetale Ebɔrɛ na e kaŋɛ na.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Zakareya 12:2

E yɛ: “N yili kumo nna fanɛ Jerusalɛm e ki fanɛ yabra kurwa nɛ efuliana nɛ a mata kumo na e nuu m boo. Kananɛ baaŋ kre kena m ba kulti Jerusalɛm n wɔtɔ na, aloŋ nɛ baaŋ wora Juda be efuli na kikɛ so.

Ditɛronɔmi 30:5

saŋɛ na so, menyeeŋ naŋ ba sɔ kasawule nɛ men nananyɛnana daŋ chena so nɛ k la men be kapetɛ na n chena so. Enyɛnpe Ebɔrɛ na malɛ beeŋ shin nɛ men dii dama nseŋ naŋ wora keshi a chɔ kananɛ men nananyɛnana daa sa na.