Jɛremaya 33:6 - EBƆRƐ BE KAWƆL

⁶ Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 33:6 Iomraidhean Croise

Nshɛ 147:3

Mo e naa ti kagbenejijawuraana kagbene nsaa chɛ bumo be alɔana.

Nshɛ 37:11

Ama bebɔlpo bre beeŋ ji kasawule ere so be tɔnɔ; nseŋ nya kagbenewushi gboŋgboŋi.

Nshɛ 67:2

nɛ ekama durnya ere to e pin fo ekpa na, nɛ efuliana na kikɛ be basa e wu fo kumɔlga na.

Nshɛ 72:7

Shin nɛ ewura na e baa ji asheŋ nɛ amo be ekpa so a sa ekama, nseŋ shin nɛ kayurwushi nɛ kedamaya e sɔ kaplɛkama hale nɛ kufɔl e ya wu.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Kaŋinichiŋgeliŋ 3:3

Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 39:8

Ewura Hɛzekaya bre daa fɛ nna fanɛ mo ere be jemanɛ to kayurwushi beeŋ baa wɔ efuli na so, amoso le nɛ e daŋ kaŋɛ: “Kubɔya nɛ fo ta n shi Enyɛnpe Ebɔrɛ kutɔ m ba sa ma ere walɛ.”

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Aizaaya 58:8

Aloŋ nɛ ma kuwɔrwu beeŋ nyaŋɛ n yuu menyi so fanɛ kachipurso be epeŋi, nɛ menyi alɛ e naaŋ nya menyi be alɔ be kechɛ manaŋ manaŋ. Ma nɛ menyi beeŋ baa wɔtɔ nɛ m baa mɔlga menyi nsaa kuŋ menyi ekpa kama so.

Aizaaya 66:12

Kusɔ nɛ Enyɛnpe Ebɔrɛ naŋ kaŋɛ nde: “Meeŋ shin nɛ efuli pɔtɛana so be asɔ lela e ba bɔlɔ Jerusalɛm to nɛ k dii dama fanɛ kananɛ lɔr bee bɔlɔ nchu a dii kepla so na. Menyeeŋ baa du fanɛ kebia nɛ mo nio bee nyipo mo nsaa ŋini mo kasha na nna.

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Maika 4:3

E beeŋ naŋ lɔŋɛ efuliana nɛ a wɔ kufɔ nɛ tatato kikɛ, nɛ kelaŋtokɔ wɔ bumo be kefɛato na nɛ b naŋ nyalɛ abar so. Saŋɛ na so nɛ b ta bumo be etokobi m bel ntekpa nseŋ ta bumo akpa malɛ m bel eloji. Efuliana na maaŋ naa ŋini bumo basa kena be kekɔ kikɛ ŋko n naŋ kɔ abar kena gba kuraa.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Baru lela nɛ Jɔn kute na 10:10

Eyu bre bee kaa ba nna m ba kaa yuri ŋko a mɔ ŋko a jija nawule, ama ma ere ba nna nɛ basa e nya ŋkpa nseŋ nya kumo nɛnɛ ga.

Ɛfesesebi 6:23

Ebɔrɛ Etuto na nɛ Enyɛnpe Yesu Kristo e sa bekurgepoana na kagbenewushi nɛ kasha nɛ yirda.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.