Jɛremaya 33:3 - EBƆRƐ BE KAWƆL

³ Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Jɛremaya 33:3 Iomraidhean Croise

Nshɛ 145:18

E wɔ bekama nɛ baa tre mo kagbene koŋwule so na kutɔ nna.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Aizaaya 45:3

Ma alɛ beeŋ sa fo asɔ lela nɛ a ŋana ashiri be mboŋ, nɛ basa bee sha amo ga na. Saŋɛ na so feeŋ pin fanɛ ma e la Enyɛnpe Ebɔrɛ na; nseŋ naŋ pin fanɛ Israɛl be Ebɔrɛ na e ti fo ketre n tre fo.

Aizaaya 48:6

Asheŋ nɛ ŋ kaŋɛ menyi na kikɛ wora m bɔlɔ so. A daga fanɛ men shuli so fanɛ kashenteŋto nɛ e wora m bɔlɔ so. Naniere meeŋ naŋ kaŋɛ menyi asheŋ popɔr nɛ e beeŋ ba. E la asheŋ woraso nɛ m maŋ naŋ lara ŋ ŋini kikɛ nna.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Jɛremaya 23:35

Kusɔ nɛ k daga fanɛ bumo be ekama e bishi mo teriana nɛ kanaŋ to be basa e la fanɛ: ‘Manɛ nɛ Enyɛnpe Ebɔrɛ na kaŋɛ kashenteŋto?’

Jɛremaya 29:12

Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 32:27

“Ma, e la Enyɛnpe Ebɔrɛ nɛ e bee ji durnya kikɛ so kuwura na. Shɛŋ shɛŋ maŋ du ma so kpakpa.

Danɛl 2:18

Nseŋ kaŋɛ bumo fanɛ b kule Ebɔrɛ nɛ e wɔ ebɔrɛso na nɛ e wu bumo kuwɔr m bugi alemaŋkarsheŋ na to n sa bumo, saŋɛ na so b maaŋ mɔ bumo nɛ Babilɔn be besoetojipoana na.

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Danɛl 2:23

N nananyɛnana be Ebɔrɛ, mee di fo epaŋ nsaa bunyaŋ fo. Fo e sa ma kanyiasheŋ nɛ eleŋ; fo alɛ nu ma kabɔrɛkule nseŋ ŋini ma ewura na be edare na be kifito.”

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Maika 7:15

Enyɛnpe Ebɔrɛ, yaŋ wora emamachisheŋ n sa anyi fanɛ kananɛ fo daŋ wora saŋɛ nɛ fo daŋ lara anyi ashi Ijipt be efuli so na.

Matiu 13:35

E daŋ wora loŋ nna nɛ kusɔ nɛ anebi ko daŋ kaŋɛ na e bɔla ekpa. Anebi na yɛ: “Ebɔrɛ kaŋɛ: ‘M ba kaa malga bumo kutɔ, aŋasa nɛ meeŋ baa bɔ bumo. Meeŋ bugi asheŋ nɛ a la wulo be asɔ, yili kasɔto be jemanɛ na m ba fo mbre n sa basa.’ ”

Ashuŋ Shunso 2:21

Saŋɛ na so ekama nɛ e tre Enyɛnpe na beeŋ nya kumɔlga.’

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Ditɛronɔmi 4:29

Ashi menyi be etɔrɔ na kikɛ to, menyeeŋ ba chɛrga a sha kenaŋ n shuŋ Enyɛnpe Ebɔrɛ na nawule. Nɛ menyi alɛ kaŋ bɛta m ba mo kutɔ nseŋ wora mo kasonu kashenteŋto, e beeŋ naa la menyi be Ebɔrɛ.

Ditɛronɔmi 4:7

Efuligboŋ ŋko kefimbi kikɛ maŋ wɔtɔ a kɔ Ebɔrɛ nɛ e mata bumo nsaa nu bumo be kekule fanɛ kananɛ Enyɛnpe, anyi be Ebɔrɛ na du n sa anyi ere kikɛ. Jemanɛ kama nɛ an kule mo kechɛto, e bee nu anyi be kekule nna.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”