Jɛremaya 33:22 - EBƆRƐ BE KAWƆL

²² Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Jɛremaya 33:22 Iomraidhean Croise

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 28:14

Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

Nshɛ 22:30

Echefosoebi kikɛ beeŋ bunyaŋ mo, nseŋ ji mbe asheŋ be shɛda n sa bumo be kaman to ebi.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Aizaaya 48:19

Menyi be kaman to ebi beeŋ wora keshi fanɛ shishɛr, nɛ ma alɛ e shin nɛ b sa maŋ mur kikɛ

Aizaaya 66:21

Ma, Enyɛnpe Ebɔrɛ na beeŋ lara bumo be beko nɛ b baa la bɔrɛmatapoana nɛ beko malɛ e baa la bechɛtopo ashi ma bɔrɛlambu to.

Jɛremaya 30:19

Basa nɛ baaŋ baa wɔ ndoŋ na beeŋ boŋ kapandi be nshɛ; nseŋ wora awɔr kagbenefuliso Meeŋ nɛfa bumo n shin nɛ b salga n wora keshi, nɛ efuli pɔtɛana so be basa e kemaŋkura bumo.

Jɛremaya 31:37

Kusɔ nɛ Enyɛnpe Ebɔrɛ na kaŋɛ e la fanɛ, kananɛ k du kpakpa nɛ esa e tiŋ m pin kananɛ awɔlpa be palɛlɛ sa na, ŋko nseŋ tiŋ m pin kakpa nɛ durnya be gbaltɔlase dese na, aloŋ nɛ k beeŋ baa du kpakpa nɛ n sa ma nɛ ŋ kini Israɛl be basa ŋkpal asɔ lubi kama nɛ b wora so.

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Jɛremaya 33:23

Ade kikɛ be kaman, nɛ Enyɛnpe Ebɔrɛ na naŋ kaŋɛ ma le:

Ezikɛl 37:10

Ŋ ka baŋ kaŋɛ loŋ, nɛ afu ber m ba luri eyurana na to nɛ a nya ŋkpa ŋ koso n yili. B daa la benapo be katuŋ gboŋgboŋi ko nna.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Zakareya 10:8

Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.