Jɛremaya 33:2 - EBƆRƐ BE KAWƆL

² “Ma, e la Enyɛnpe Ebɔrɛ nɛ n to durnya n yili kakpa nɛ k wɔ ere. Ma ketre e la Enyɛnpe Ebɔrɛ na.

Jɛremaya 33:2 Iomraidhean Croise

Nshɛ 102:16

Ŋkpal manɛ so, Enyɛnpe Ebɔrɛ na beeŋ lɔŋɛ Jerusalɛm be kadegboŋ na m pɔr nseŋ shin nɛ mbe kemaŋkura e dii efuli.

Nshɛ 87:5

Kashenteŋto, kusɔ nɛ baaŋ baa kaŋɛ a laŋɛ Jerusalɛm be kaplɛa so nde: “Jerusalɛm to nɛ b kurge kuti nɛ kuti. Enyɛnpetale Ebɔrɛ na malɛ e naa sa kumo eleŋ.”

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 6:3

N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Aizaaya 62:7

B sa maŋ sa Enyɛnpe Ebɔrɛ na ewushi kikɛ, ama e bɛta Jerusalɛm nna n yili kumo be eyilikpa, nseŋ shin nɛ k ki kadegboŋ nɛ durnya to be basa kikɛ bee kpaŋ kumo na nna.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 16:21

Kumo be kaman nɛ Enyɛnpe Ebɔrɛ na kaŋɛ: “Amoso nɛ meeŋ ŋini efuli pɔtɛana na be basa ma eleŋgboŋ nɛ b pin to fanɛ ma e la Enyɛnpe Ebɔrɛ kashenteŋto.”

Jɛremaya 32:18

Fo lara fo kasha nɛ k maa chɛrga na ŋ ŋini basa ŋgboŋ to ŋgboŋ to, nseŋ gberge basa asoe ŋkpal bumo tutoana nɛ bumo nioana be alubi so. Fo la Ebɔrɛ gboŋgboŋi nsaa kɔ yuku nna nɛ fo ketre la Enyɛnpetale Ebɔrɛ.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Hibruwebi 11:10

Ŋkpal manɛ so, e daa jo kadegboŋ nɛ k kɔ egbaltɔlase lempo nɛ kumo be epɔrpo nɛ esa nɛ e yili kumo kananɛ k daga fanɛ b pɔr kumo na la Ebɔrɛ gbagba na nna.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Kelaraŋŋini 21:10

Ndoŋ nna nɛ e ta ma kiyoyu to n yɔ kebee gboŋgboŋi jeŋgreŋ ko so n ya ŋini ma kadegboŋ cheembi na, kumo e la Jerusalɛm na nɛ k shi Ebɔrɛ kutɔ ashi ebɔrɛso a ba.

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.