Jɛremaya 33:18 - EBƆRƐ BE KAWƆL

¹⁸ nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Jɛremaya 33:18 Iomraidhean Croise

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Aizaaya 61:6

Ama Enyɛnpe Ebɔrɛ na be basa bre beeŋ baa la Ebɔrɛ be bɔrɛmatapoana nɛ mbe nyɛrbi nna. Efuli pɔtɛana na be kanya nɛ kedama beeŋ ki mbe basa peya nɛ bumo be ketre e dii nɛ b baa puchi amo so.

Jɛremaya 33:19

Kumo be kaman, nɛ Enyɛnpe Ebɔrɛ na naŋ kaŋɛ le:

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Jɛremaya 35:19

Amoso ma, Enyɛnpetale, Israɛl be Ebɔrɛ na bee nase kɔnɔ nna a sa Rekab be kabuna ebi fanɛ b maa ba nɛ b paŋ esa nɛ e beeŋ shuŋ ma kikɛ.”

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Ezikɛl 45:5

Saŋɛ na so nɛ Enyɛnpe Ebɔrɛ na be kasawule na be kaba nɛ k ka na e baa dese n sa Livaiebi nɛ baa shuŋ ashi bɔrɛlambu na to na nɛ b pɔr bumo be ndeana n chena so.

Nɔmbɛs 3:5

Ndoŋ nna nɛ Enyɛnpe Ebɔrɛ na kaŋɛ Mosis le:

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Ditɛronɔmi 18:1

Livai be yiri to be basa nɛ baaŋ baa la bɔrɛmatapoana na bre maaŋ nya kasawule na be kachige ashi Israɛl be efuli so. Ama esarga nɛ ŋkɛ nɛ basa beeŋ baa lara a sa Enyɛnpe Ebɔrɛ na be ako nɛ baaŋ baa nya.

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.

Joshuwa 3:3

“Men baŋ wu bɔrɛmatapoana nɛ b shi Livai be kanaŋ to na ka sulɔ Enyɛnpe Ebɔrɛ be ŋkre be deka na, men lar men be keeyi to m bɛ kumo so.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 1:6

nseŋ ta anyi ŋ ki mbe kuwura to ebi nɛ bɔrɛmatapoana nɛ an baa shuŋ mbe Ebɔrɛ nɛ Etuto na. Kemaŋkura nɛ eleŋ e baa la Yesu Kristo peya saŋkikɛ mbaanaayɔ. Amɛn.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”