Jɛremaya 33:13 - EBƆRƐ BE KAWƆL

¹³ Mbolpɔkpapoana beeŋ naa karga bumo be mbolpɔ ashi nde nɛ a wɔ apreŋsawule so nɛ abeemase nɛ Juda be kelargato be kaseto nɛ Bɛnjamin be yiri be kebonfu to nɛ ndewurbi nɛ a kulti Jerusalɛm be kadegboŋ na nɛ ndeana nɛ a wɔ Juda be efuli so kikɛ to. Ma, Enyɛnpe Ebɔrɛ e kaŋɛ na.”

Jɛremaya 33:13 Iomraidhean Croise

Jɛremaya 17:26

Basa beeŋ shi Juda be efuli so be ndeana to nɛ ndekarso nɛ e kulti Jerusalɛm na to m ba. Baaŋ shi Bɛnjamin be yiri be kasawule so nɛ abeemase nɛ abeesawule so nɛ keshishɛrsawule nɛ e wɔ Juda be efuli so be kelargato be kaseto be kaba so na nna m ba. Esarga be yiri yiri fanɛ esarga chɔɔso nɛ ayu be esarga nɛ kapandi be esarga nɛ eduwu be sarga nɛ baaŋ baa ta a ba ma bɔrɛlambu to.

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Jɛremaya 32:15

Enyɛnpetale Ebɔrɛ na kaŋɛ fanɛ basa beeŋ naŋ tɔ nwu nɛ nsawule nɛ ndibi sɔrso be adɔ ashi efuli ere so.”

Jɛremaya 32:44

Basa beeŋ naŋ tɔ nsawule nseŋ wora amo be nwɔl n shin nɛ eshɛdajipoana nɛ bumo gbagba e yisi enɔ nwɔl na to a ŋini fanɛ b tɔ nsawule na nna. Mboŋ nɛ le beeŋ wora e la Bɛnjamin be yiri be kebonfu to nɛ ndekarso nɛ a kulti Jerusalɛm be kadegboŋ na nɛ Juda be efuli so be nde to nɛ nde nɛ a wɔ abee so nɛ amo nɛ a wɔ abeemase nɛ Juda be kelargato be kaseto be kaba so kikɛ na. Meeŋ naŋ bɛta basa na m ba chena bumo be kasawule so. Ma, Enyɛnpe Ebɔrɛ e kaŋɛ na.”

Ezikɛl 20:37

“Meeŋ ta tintiŋ n shin nɛ men be ekama e wora kusɔ nɛ kɔnɔkoŋwule be ŋkre na bee ŋini.

Levitikɔs 27:32

Kowu be asɔbɔya kudu kikɛ to be ekoŋwule la Enyɛnpe Ebɔrɛ na peya nna. Nɛ b baa karga asɔbɔya, emo nɛ e beeŋ ti so kudusopo na la Enyɛnpe Ebɔrɛ na peya nna.

Obadaya 1:20

Israɛl be benapo nɛ b pɛ n yɔ Keenan na beeŋ bɛta m ba kɔ n sɔ nsawule loŋ hale n ya fo Zarefat. Jerusalɛm be benapo nɛ b wɔ Sefarad naniere malɛ beeŋ ba kɔ n sɔ keshishɛrsawule be ndeana.

Luuk 15:4

nɛ kuko e foe nɛ e maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k foe na loŋ hale n ya wu kumo?