Jɛremaya 32:8 - EBƆRƐ BE KAWƆL

⁸ Kumo be kaman nɛ Hanamɛl ba ma kutɔ ashi kakpa nɛ b ti ma ebu na, fanɛ kananɛ Enyɛnpe Ebɔrɛ na kaŋɛ na, m ba kaŋɛ ma fanɛ n tɔ mbe kasawule. Enyɛnpe Ebɔrɛ na ka teŋ ŋ kaŋɛ ma kumo be asheŋ so

Jɛremaya 32:8 Iomraidhean Croise

1 Bewura 2:26

Kede be kaman nɛ Ewura Sɔlɔmɔn shuŋi n tre bɔrɛmatapo Abiata ŋ kaŋɛ mo le: “Bɛta n yɔ Anatɔf nɛ k la fo kade to na. Fo alɛ gba daga luwu nna, ama ma alɛ maaŋ shin nɛ b mɔ fo naniere ŋkpal manɛ so, saŋɛ so nɛ fo daa wɔ n tuto Deevid kutɔ na, fo nɛ mo e daa ji mbe awurfoŋ kikɛ nɛ fo alɛ daŋ naa keni Enyɛnpe Ebɔrɛ be ŋkre be deka na so.”

1 Bewura 22:25

Nɛ anebi Mikaya kaŋɛ mo le: “Kachɛ nɛ feeŋ shile ŋkpal fo doŋana so n ya ŋana ebu nɛ k wɔ ketamanto na, nɛ feeŋ pin kumo be kashenteŋ.”

1 Kronikɛls 6:60

B daŋ ta Gɛba nɛ Alemɛf nɛ Anatɔf nɛ amo be asɔbɔya be ejikpa be nsawule ashi Bɛnjamin be yiri to nna n sa Ɛɛrɔn be kaman to ebi. Nde nɛ b daŋ ta n sa Ɛɛrɔn be kaman to ebi kikɛ daa wɔ nde kuduasa.

Jɛremaya 1:1

Jɛremaya nɛ e la Hilkiya pibinyɛn nseŋ shi bɔrɛmatapoana be kanaŋ to ashi kade nɛ baa tre Anatɔf nɛ k wɔ Bɛnjamin be yiri to ebi be kasawule so na be mmalga nɛ e wɔ kawɔl ere to nde.

Jɛremaya 32:2

Loŋ be jemanɛ na nɛ Babilɔn be benapo kre kena m ba kulti Jerusalɛm n wɔtɔ a fin kekɔ kumo kena, nɛ ma alɛ wɔ kabuti to ashi ewurkpa be bekumpo be kakpa na.

Jɛremaya 32:25

Amo nɛ amo kikɛ, Enyɛnpetale Ebɔrɛ, fo kraŋ kaŋɛ ma fanɛ n ya tɔ kasawule ashi eshɛdajipoana be anishito jemanɛ nɛ Babilɔnebi bee sha kekɔ n sɔ Jerusalɛm na.”

Jɛremaya 32:7

“Jɛremaya, fo wɔpa Shallum pibinyɛn nɛ baa tre Hanamɛl na beeŋ ba kaŋɛ fo fanɛ fo tɔ mbe kasawule nɛ k wɔ Anatɔf be kade to ashi Bɛnjamin be yiri be Kebonfu to na. Ŋkpal manɛ so, fo e la mo kurgepo nɛ k daga fanɛ fo tɔ mbe kapetɛsawule, saŋɛ na so k maaŋ lar kanaŋ na to.”

Jɛremaya 33:1

Jemanɛ nɛ ma, Jɛremaya, kraa wɔ kabuti to ashi ewurkpa be bekumpo be kakpa na, nɛ Enyɛnpe Ebɔrɛ na naŋ kaŋɛ ma le:

Jɛremaya 37:12

Ma ere daŋ lar Jerusalɛm to nna a yɔ Bɛnjamin be yiri be kebonfu to nɛ n ya sɔ ma kachige nɛ k la ma kanaŋ to be kapetɛ na.

Ezikɛl 12:7

Nɛ n wora kananɛ Enyɛnpe Ebɔrɛ kaŋɛ ma na. Epeŋi ka ya ka tɔr nɛ m bela ma adiiku nseŋ wora keyɔ efuli pɔtɛ so be shiriya. Kaase ka fo nɛ n ta enɔ ŋ kur n futi ma laŋ to be egbal nseŋ ta ma adiiku n di keba m bɔla ndoŋ n lar jemanɛ nɛ ekama bee keni ma na n choŋ.

Zakareya 11:11

Amoso kumo be kamɔnchɛ kikɛ nɛ kɔnɔkoŋwule be ŋkre na ku to. Basa nɛ baa tɔ mbolpɔ a fa na daa keni ma nna, nseŋ pin fanɛ Enyɛnpe Ebɔrɛ na bɔla kusɔ nɛ n wora ere so nna a malga a sa bumo.

Baru lela nɛ Jɔn kute na 4:53

Ndoŋ nna nɛ etuto na nyiŋi fanɛ kumo be saŋɛ na so gbagba nɛ Yesu kaŋɛ le na: “Fo pibi na maaŋ wu.” Ndoŋ nna nɛ mo nɛ mbe kowu to ebi kikɛ yirda Yesu.