Jɛremaya 32:35 - EBƆRƐ BE KAWƆL

³⁵ Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 32:35 Iomraidhean Croise

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 15:26

Kananɛ mo tuto daŋ baŋ wora kulubi na gbagba chap nɛ mo alɛ gba daŋ wora, hale n shin nɛ Israɛl tɔr kulubi to.

1 Bewura 15:30

Ŋkpal alubi nɛ ewura Jeroboam daŋ wora nseŋ shin nɛ Israɛlebi gba wora kulubi so, nɛ Enyɛnpe Israɛl be Ebɔrɛ na be agbo daŋ kaa nɛ e wora loŋ.

1 Bewura 16:19

Asheŋ ere kikɛ daŋ ba mo so nna ŋkpal e ka daŋ wora kulubi ŋ gbiti Enyɛnpe Ebɔrɛ fanɛ kananɛ ewura Jeroboam gba wora kulubi nseŋ shin nɛ Israɛl kikɛ wora kulubi na.

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

2 Bewura 21:11

“Ewura Manase be asheŋ nɛ e daŋ wora na daŋ lubi a chɔ kusɔ nɛ Keenanebi na daŋ wora gba. E daŋ shuŋ agbir nna nseŋ shin nɛ Juda be efuli so ebi gba luri kulubi to.

2 Bewura 21:4

E daŋ pɔr agbir be ebɔrɛsure ashi bɔrɛlambu nɛ Enyɛnpe Ebɔrɛ kaŋɛ fanɛ ndoŋ nɛ baaŋ baa shuŋ mo mbaanaayɔ na to nna.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

2 Bewura 23:15

Ewura Josaya daŋ bure Nebat pibinyɛn ewura Jeroboam be kagbirshuŋ be mboŋ nɛ e daŋ pɔr n yili Bɛtɛl nɛ a shin nɛ Israɛlebi luri kulubi to na nna. E daŋ da bɔrɛsure na nna n lɛ m bure kumo be ajembu to kpachɛrkpachɛrbi ŋ kɔr amo to nɛ a ki fanɛ shishɛr. Kumo be kaman nɛ e chɔ kegbirche Ashira be kapɔrduli na gba.

2 Bewura 3:3

Ama kananɛ Nebat pibinyɛn ewura Jeroboam nɛ daŋ ji kuwura n wora alubi nseŋ shin nɛ Israɛlebi wora kulubi na, nɛ mo alɛ gba daŋ wora.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Ɛksodɔs 32:21

Kumo be loŋ be kaman nɛ Mosis bishi Ɛɛrɔn: “Manɛ nɛ basa ere wora fo nɛ fo shin nɛ le be kulubi gboŋgboŋi ere ba bumo so?”

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 19:2

m bɔla kabunagboŋ nɛ baa tre Mpuya bureso be Kabunagboŋ na to n yɔ ketaŋɛ nɛ baa tre Hinnɔm be Ketaŋɛ na to n ya bɔ kubɔya nɛ e beeŋ sa ma ndoŋ na n sa bumo.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 44:4

Ma alɛ kraa shuŋi ma anya anebiana na menyi kutɔ nɛ baa kaŋɛ menyi fanɛ men sa maa wora asheŋ lubi nɛ ŋ kishi na.

Jɛremaya 7:30

Juda be basa wora kulubi ko. B ta agbirana nɛ ŋ kishi amo be asheŋ m ba ma bɔrɛlambu to nɛ k wora eyurpi daŋkare be ekpa so.

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 23:37

B bɔla kagbirshuŋ so n ji kubojua, kumo e la fanɛ b maŋ ji kashenteŋ n sa ma nseŋ ta ma mbia n m mɔ n lara esarga n sa agbirana.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Ashuŋ Shunso 7:43

Kegbir Molɛk be wajɛbu nɛ men daŋ keta n ti menyi be kegbir pɔrso Rɛfam nɛ k duli kechɛkpabi na so. Amo agbir anyɔ na nɛ men daŋ lɔŋɛ a bunyaŋ. Amoso, meeŋ shin nɛ b lara menyi ashi menyi be efuli ere so n yɔ kufɔ kufɔ, Babilɔn be kaman.’

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 18:10

Men sa maŋ kaa chɔɔ menyi be mbia ebɔrɛsure so a lara esarga. Menyi alɛ e sa maŋ shin nɛ menyi be basa e baa kpal ŋko a kɔ mputi ŋko a to akprambi ŋko a kre mbre. Kumo be kaman men sa maŋ kaa malga bubuni kutɔ a bishi so a fin kenu kusɔ ko bumo kutɔ.

Ditɛronɔmi 24:4

eche na maaŋ naŋ tiŋ m bɛta n ya kil mo kul dra na kikɛ, ŋkpal e ka tiŋ n tu enyɛn nyɔsopo na n di so. Bumo be kenaŋ kil abar beeŋ jija kasawule nɛ Enyɛnpe menyi be Ebɔrɛ na ta a sa menyi na. Ŋkpal manɛ so, Enyɛnpe Ebɔrɛ na kishi loŋ nna.