Jɛremaya 32:28 - EBƆRƐ BE KAWƆL

²⁸ Meeŋ shin nɛ Babilɔn be ewura, Nebukadneeza nɛ mbe benapo, e kɔ m pɔɔ Jerusalɛm be basa so

Jɛremaya 32:28 Iomraidhean Croise

2 Bewura 25:11

nseŋ keta betirpo nɛ basa nɛ b nyi enɔ to be ashuŋ na nɛ bumo nɛ b daŋ shuli n sa mo nseŋ kraa wɔ Jerusalɛm to na kikɛ n yɔ Babilɔn be efuli so.

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Aizaaya 29:2

Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.

Jɛremaya 20:5

Ma alɛ beeŋ naŋ shin nɛ bumo doŋana e ba fuu kadegboŋ na to be asɔ lela kikɛ nseŋ suge kumo to be mpetɛsɔ kikɛ nyam, hale Juda be bewuraana be amansherbi nɛ yawu kpakpaso be asɔ, n sulɔ amo kikɛ n yɔ Babilɔn be efuli so.

Jɛremaya 21:10

N teŋ wora ma nfɛra fanɛ meeŋ mur kadegboŋ na. Meeŋ sa Babilɔn be ewura ekpa nɛ e chɔɔ kumo m mur. Ma, Enyɛnpe Ebɔrɛ e kaŋɛ na.”

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 32:36

Kede be kaman nɛ Enyɛnpe, Israɛl be Ebɔrɛ na kaŋɛ ma le: “Jɛremaya, kashenteŋ nɛ fo kaŋɛ fanɛ basa na bee kaŋɛ fanɛ kena nɛ akoŋ nɛ alɔ e shin nɛ Babilɔn be ewura tiŋ ŋ kɔ n sɔ Jerusalɛm be kadegboŋ na. To, naniere nu kusɔ nɛ ŋ kɔ nɛ ŋ kaŋɛ.

Jɛremaya 34:2

“Ma, Enyɛnpe Ebɔrɛ na beeŋ shin nɛ Babilɔn be ewura Nebukadneeza e kɔ m pɔɔ kadegboŋ ere so nseŋ chɔɔ kumo n lɛ.

Jɛremaya 34:3

Baaŋ pɛ fo n yɔ ewura Nebukadneeza kutɔ nɛ fo nɛ mo e wu abar kenishiso nseŋ malga abar kutɔ. Kumo be kaman nɛ b yɛr fo Babilɔn be efuli so.