Jɛremaya 32:21 - EBƆRƐ BE KAWƆL

²¹ Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Jɛremaya 32:21 Iomraidhean Croise

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

1 Kronikɛls 17:21

Efuli kikɛ maŋ naa wɔ kasawule ere so fanɛ Israɛl be efuli nɛ fo lara ashi kenyaya to nseŋ shin nɛ b ki fo basa na. Mamachi be asɔ damta nɛ fo wora n sa bumo na e shin nɛ fo ketre dii durnya ere to. Fo mɔlga fo basa ashi Ijipt be kasawule so, m bar bumo nfe nseŋ ju efuli ere so ebi n shin nɛ fo basa chena bumo be nsawule so.

Nshɛ 105:37

Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Nshɛ 105:43

Enyɛnpe Ebɔrɛ na ka kɔ n suge mbe basa laraso ashi Ijipt be efuli so na, b daŋ boŋ nshɛ n ji eyur kagbenefuliso nna.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Ditɛronɔmi 11:3

n wora emamachisheŋ ashi Ijipt be efuli so. Menyi e wu kusɔ nɛ e wora Ijipt be ewura Fɛɛro nɛ mbe basa kikɛ.

Ditɛronɔmi 26:8

nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 7:19

Men baa nyiŋi alɔ lubi nɛ menyi gbagba wu anishi so nɛ emamachisheŋ nɛ yukugboŋ nɛ eleŋ nɛ Enyɛnpe menyi be Ebɔrɛ na ta n sɔ menyi n yige na. Kananɛ e baŋ mur Ijiptebi na nɛ e beeŋ mur basa nɛ menyee ŋana naniere na gba.