Jɛremaya 32:19 - EBƆRƐ BE KAWƆL

¹⁹ Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Jɛremaya 32:19 Iomraidhean Croise

1 Bewura 8:32

kumo ere Enyɛnpe Ebɔrɛ, fo yili esoso n ji fo nyɛrbi demu ŋ gberge esa nɛ e ji n tɔr na kusoe nseŋ yige emo nɛ e maŋ ji n tɔr na.

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 34:11

Ekama be kusɔ nɛ e wora nɛ Ebɔrɛ bee keni so, nsaa ka amodoŋwura kukɔ.

Job be kawɔl 34:21

Ebɔrɛ bee wu kusɔ kama nɛ anyee wora.

Nshɛ 111:2

Enyɛnpe Ebɔrɛ na wora emamachisheŋ damta nna! Ekama nɛ amo be asheŋ bɔlɔ mo kenishi bee fɛ amo be asheŋ nna.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aŋasa 8:14

Ma e naa kre ŋkre nsaa wora a bɔlɔ so na. Ma e naa pin asheŋ to, nsaa kɔ eleŋ na.

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Aizaaya 28:29

Kanyiasheŋ ere kikɛ shi Enyɛnpetale Ebɔrɛ na kutɔ nna. Ebɔrɛ bee kre ŋkre kanyiasheŋ so nna, nɛ amo alɛ bee wora a bɔlɔ so jemanɛ kikɛ!

Aizaaya 40:13

Esa maaŋ tiŋ ŋ kaŋɛ Enyɛnpe Ebɔrɛ kusɔ nɛ k daga fanɛ e wora, ŋko ŋ ŋini mo kesheŋwora ŋko n ji mo asoe to.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Danɛl 2:45

Fo wu kananɛ kejembu nɛ k maŋ shi dimɛdi be enɔ to shi esoso m ba ŋmɛa kapɔrduli nɛ b ta kebɛlso nɛ danyaŋ nɛ ebɔ nɛ gbiti nɛ shuwa n lɔŋɛ na. Yiramu, Ebɔrɛ lempo na bee kaŋɛ fo kusɔ nɛ k beeŋ wora kachako so nna na. Fo edare nɛ fo ku na nɛ kumo be kifito kikɛ nɛ ŋ kaŋɛ fo na.” Ewura na ka sa Danɛl kakɛ be asheŋ

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Baru lela nɛ Jɔn kute na 5:29

nseŋ lar bumo be nchaŋana na to nɛ bumo nɛ b wora alelasheŋ na e tiŋi a wɔ ŋkpa to nɛ bumo nɛ b wora alubisheŋ na malɛ e tiŋi n luri kasogberge to.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.