Jɛremaya 32:17 - EBƆRƐ BE KAWƆL

¹⁷ “Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 32:17 Iomraidhean Croise

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

2 Bewura 19:15

nseŋ kule Ebɔrɛ ŋ kaŋɛ le: “Enyɛnpetale nɛ fo la Israɛl be Ebɔrɛ, fo e chena fo kuwurputi so awɔlto nɛ asɔkeniso nɛ a du fanɛ emalaika nɛ baa tre amo Chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya kikɛ so.

2 Bewura 3:18

Le be kesheŋ maŋ du Enyɛnpetale Ebɔrɛ so kpakpa. E beeŋ shin nɛ men kɔ m pɔɔ Mowabebi na so.

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Job be kawɔl 42:2

“Enyɛnpe Ebɔrɛ, n nyi fanɛ fo e la Enyɛnpetale Ebɔrɛ na. Ma alɛ nyi fanɛ feeŋ tiŋ n wora kusɔ kama nɛ fee sha.

Nshɛ 102:25

Sososo na kikɛ nɛ fo to durnya n yili kumo be gbaltɔlase so. Fo gbagba be enɔ nɛ fo ta n to ebɔrɛso gba.

Nshɛ 136:12

Mbe eleŋgboŋ nɛ enɔ lempo so nɛ e bɔla so n lara bumo ashi Ijipt be efuli so; mbe kasha nɛ k maa chɛrga na malɛ wɔtɔ nna mbaanaayɔ.

Ɛksodɔs 20:11

Ŋkpal manɛ so, nchɛ ashe nɛ ma, Enyɛnpe Ebɔrɛ na ta n to esoso nɛ kasawule nɛ teku nɛ asɔ nɛ a wɔ amo to kikɛ nseŋ wushi kachɛ shunusopo na, amoso ma, Enyɛnpe Ebɔrɛ na nɛfa kewushiachɛ na nna nseŋ ta kumo ŋ ki kachɛ cheembi.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 59:1

Men sa maa fɛ fanɛ Enyɛnpe Ebɔrɛ na pɔ nna ga so nɛ e maaŋ tiŋ m mɔlga menyi ŋko mbe asoe ti nna so nɛ e maaŋ tiŋ n nu kushu nɛ menyee shu a fin kechɛto na!

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

Jɛremaya 14:13

Ndoŋ nna nɛ ma alɛ e kaŋɛ le: “Fo, Enyɛnpetale Ebɔrɛ nyi fanɛ anebiana na bee kaŋɛ basa na nna fanɛ kena nɛ akoŋ maaŋ ba bumo so, ŋkpal manɛ so, b yɛ, fo nase kɔnɔ nna fanɛ kayurwushi nawule e naŋ baa wɔ anyi be kasawule so.”

Jɛremaya 21:2

“Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 32:27

“Ma, e la Enyɛnpe Ebɔrɛ nɛ e bee ji durnya kikɛ so kuwura na. Shɛŋ shɛŋ maŋ du ma so kpakpa.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Jɛremaya 4:10

Ndoŋ nna nɛ ma, Jɛremaya, kaŋɛ le: “Enyɛnpetale Ebɔrɛ, kumo ere k du fanɛ fo fule Jerusalɛm be basa na nna na. Fo yɛ kayurwushi beeŋ baa wɔtɔ, ama naniere tokobi e yuu bumo be elɔŋtɔr so na.

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Ezikɛl 11:13

Ŋ kraa malga nna nɛ Pɛlatiya tɔr n wu epul na to. Ndoŋ nna nɛ n ta enɔ m buu ma anishi so nseŋ kurgi kumu n yuu to m boŋ to n shu ŋ kaŋɛ: “O, Enyɛnpetale Ebɔrɛ! Fee sha kemɔ Israɛl be basa gbrɛbi nɛ b ka ere kikɛ nna a?”

Ezikɛl 9:8

B ka fara kamɔ na a yɔ nɛ n nawule ka a yil, nseŋ kurgi kumu n yuu to m boŋ to ŋ kaŋɛ le: “Enyɛnpetale Ebɔrɛ, ŋkpal fo ka nya agbo ga n wora Jerusalɛm to be basa so, fee sha nna nɛ fo mɔ Israɛl be basa nɛ b ka ere kikɛ a?”

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Zakareya 8:6

Kumo be kaman nɛ Enyɛnpe Ebɔrɛ na naŋ kaŋɛ: Basa nɛ baaŋ ka efuli na so beeŋ baa fɛ fanɛ loŋ maaŋ tiŋ n wora, ama kumo be kewora maŋ du ma so kpakpa.

Nɔmbɛs 11:23

Nɛ Enyɛnpe Ebɔrɛ kaŋɛ le: “Kusɔ ko du ma Enyɛnpe na so kpakpa a? K maaŋ chɛr, menyeeŋ wu kusɔ nɛ ŋ kaŋɛ ere ka wora.”

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Maak 10:27

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora. Ebɔrɛ bre beeŋ tiŋ. Shɛŋ shɛŋ maŋ du Ebɔrɛ so kpakpa.”

Luuk 1:37

Ŋkpal manɛ so, kusɔ kama maŋ wɔtɔ nɛ Ebɔrɛ maaŋ tiŋ n wora.”

Luuk 18:27

Nɛ Yesu kaŋɛ bumo le: “Kusɔ nɛ nyiŋgbasa maaŋ tiŋ n wora, Ebɔrɛ bre beeŋ tiŋ n wora kumo.”

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”