Jɛremaya 31:5 - EBƆRƐ BE KAWƆL

⁵ Menyi kraa beeŋ nase ndibi sɔrso be adɔ ashi Samɛria be apreŋsawule so, nɛ bumo nɛ b duu ndibi sɔrso na e nya amo be asɔrso n ji.

Jɛremaya 31:5 Iomraidhean Croise

Nshɛ 107:37

Menyeeŋ tiŋ n dɔ n duu asɔduuso nɛ ndibi sɔrso, nɛ a wora nɛnɛ nɛ men teŋi ŋko n chuge amo ga.

Jɛremaya 32:15

Enyɛnpetale Ebɔrɛ na kaŋɛ fanɛ basa beeŋ naŋ tɔ nwu nɛ nsawule nɛ ndibi sɔrso be adɔ ashi efuli ere so.”

Ezikɛl 28:26

Baaŋ chena ndoŋ kayurwushi so m pɔr nwu nseŋ naŋ nase ndibisɔrso be adɔ. Ma alɛ beeŋ gberge bumo be bechenashapoana nɛ b keni bumo jiga na kusoe nɛ Israɛl be basa na e nya bumo be amu a wɔtɔ. Ndoŋ nɛ baaŋ pin fanɛ ma e la Enyɛnpe bumo be Ebɔrɛ na.”

Ezikɛl 36:8

Ama ndibi nɛ a yil abee so ashi ma basa, Israɛlebi, be efuli so na beeŋ naŋ purge nseŋ sɔr asɔrso n sa bumo. K maaŋ chɛr baaŋ bɛta m ba epe.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Obadaya 1:19

Keshishɛrsawule so ebi na beeŋ ba sɔ menyi lsɔɔ be kanaŋ to ebi be abeesawule a wɔtɔ, nɛ basa nɛ b wɔ abee be kaseto na malɛ e ba Filistiebi be nsawule ŋ ki bumo peya. Israɛlebi beeŋ ba sɔ Efreimebi nɛ Samɛriaebi be nsawule, nɛ Bɛnjaminebi malɛ e ta Gilead.

Maika 1:6

Amoso nɛ Enyɛnpetale Ebɔrɛ na yɛ: Meeŋ shin nɛ Samɛria e ki alambure n deŋi abar so kululu. K beeŋ ki ndibi sɔrso be eduukpa. Meeŋ pesaŋ Samɛria be egbalana be ebirkesi to n lɛ ketaŋɛ to ŋ ka kumo be egbaltɔlaseana nawule n nase nɛ ekama e baa wu amo.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.

Ditɛronɔmi 20:6

Ŋko esa ko wɔ nfe nɛ kraŋ baŋ dɔ ndibi sɔrso be kudɔ, mo alɛ maŋ naŋ chuge amo be asɔrso a? Kumo ere e bɛta a yɔ epe. Nɛ mannɛ aloŋ e kaŋ n ya wu kena to, esa pɔtɛ e naaŋ ji asɔrso na be tɔnɔ.

Ditɛronɔmi 28:30

Menyi to be eko beeŋ ji eche be kesha nsaa sha keta mo, ama pɔɛŋ nɛ b wora kejafɔ, esa pɔtɛ e naaŋ pur eche na n jija mo. Beko beeŋ pɔr nwu, ama bumo alɛ maaŋ nya n chena amo to. Beko beeŋ dɔ ndibi sɔrso be adɔ, bumo alɛ maaŋ nya amo be asɔrso juŋkparso gba n ji.

1 Samuɛl 21:5

Nɛ Deevid yɛ: “Kashenteŋto, b maŋ di beche. Ŋkpal manɛ so hale nɛ anyee yɔ nɛ an ya shuŋ kushuŋ kama gba, b maa wora loŋ. Ama ewura be kushuŋ to bre nɛ baaŋ wora loŋ a?”