Jɛremaya 31:4 - EBƆRƐ BE KAWƆL

⁴ Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 31:4 Iomraidhean Croise

2 Bewura 19:21

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa keni fo jiga.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Nshɛ 69:35

Ebɔrɛ beeŋ sɔ Jerusalɛm n yige nseŋ lɔŋɛ m pɔr Juda be ndeana, nɛ mbe basa e baa wɔ amo to ashi bumo gbagba be kasawule so.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 30:32

Enyɛnpe Ebɔrɛ na be basa beeŋ baa laŋ ŋkure nɛ ejaŋjilaŋ a wɔtɔ mo jemanɛ nɛ e bee kɔ nsaa laŋɛ a kɔ Asiriya be basa na.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 18:13

Kumo be kaman nɛ Enyɛnpe Ebɔrɛ naŋ kaŋɛ le: “Bishi efuli kama so be basa fanɛ le be kesheŋ daŋ wora ŋ ku so a? Israɛl be basa wora kesheŋ lubi lubi ko!

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Jɛremaya 31:13

Saŋɛ na so mbifɔlbi nɛ basa kpar kikɛ cha abar n ji eyur nseŋ cha kagbenefuliso Ŋkpal manɛ so, meeŋ lolo bumo nseŋ shin nɛ bumo be kushu e ki emushe nɛ bumo be kagbenejija e ki kagbenefuli.

Jɛremaya 31:21

Men chiya abɔrdia n dulgi ekpa nɛ menyeeŋ bɔla so n yɔ na. Israɛl be basa, men bɛta m ba epe; men bɛta m ba nde nɛ men lar amo to n yɔ na.

Jɛremaya 31:38

Kede be kaman nɛ Enyɛnpe Ebɔrɛ na kaŋɛ le: “Jemanɛ nɛ baaŋ yili Hananɛl be Ebu jeŋgreŋ na be egbaŋ to n ya fo Kukɔlɔto be Kabunagboŋ na be egbaŋ to n lɔŋɛ Jerusalɛm kikɛ m pɔr fanɛ kadegboŋ n sa ma na bee ba.

Jɛremaya 33:7

Meeŋ naŋ ta kasawule ere n sa Juda nɛ Israɛl be kuwurgboŋ nɛ k wɔ kelargato be esoso be kaba so na nseŋ shin nɛ b naŋ nya eleŋ nɛ b daa kɔ na.

Jɛremaya 46:11

Ijipt be basa, men yɔ Giliad be kasawule so n ya fin kudur! Menyi be adur kikɛ la adur jiga nna; a maaŋ tiŋ n chɛ menyi.

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Eemɔs 5:2

Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Luuk 15:23

Amo be kaman, men ya pɛ kenafɔlbi danso na m mɔ nɛ an wora kejigboŋ n ji anyi be amu,

Ashuŋ Shunso 15:16

‘Kede be kaman meeŋ naŋ bɛta m ba m ba bar Deevid be kanaŋ ŋkpa to n naŋ pɔr kanaŋ na be alambure na m bɛ abar so.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.