Jɛremaya 31:2 - EBƆRƐ BE KAWƆL

² N daŋ wu basa nɛ b daŋ gelge luwu na kuwɔr nna ashi keshishɛrsawule na so. Menyi basa nɛ men shi Israɛl be kuwurgboŋ nɛ k wɔ kelargato be esoso be kaba so na ka daa yila kenishi to a fin ewushi na,

Jɛremaya 31:2 Iomraidhean Croise

Nshɛ 78:52

Kumo be kaman nɛ Ebɔrɛ juŋkpar mbe basa fanɛ mbolpɔkpapo n lar Ijipt be efuli so m bɔla keshishɛrsawule so n choŋ.

Nshɛ 95:11

Ebɔrɛ daŋ nya agbo nna nseŋ bɔ ntaŋ ŋ kaŋɛ le: “B maaŋ luri ma kewushi na to kikɛ!”

Ɛksodɔs 1:16

“Saŋkama nɛ men baŋ ya kaa keta Hibruwche kama kakurge nseŋ wu fanɛ ebinyɛn nɛ e kurge, men mɔ kebia na. Ama nɛ fanɛ kebia na la ebiche bre, men yige mo.”

Ɛksodɔs 1:22

Ndoŋ nna nɛ ewura Fɛɛro sa mbe basa kikɛ ebɔl kenishipereso ŋ kaŋɛ le: “Hibruwebi na baŋ kurge ebinyɛn kikɛ, men ta mo n ya lɛ lɔr nɛ baa tre Nail na to, ama becheso na bre, men yige bumo kikɛ nɛ b baa wɔtɔ.”

Ɛksodɔs 12:37

Israɛlebi na daŋ ta ayaso nna n yili Rameses n ya fo Sukɔf. B daa sa fanɛ benyɛn ŋgboŋ alfa ashe nna. B daa maŋ karga beche nɛ mbia bre n ti so.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Ezikɛl 20:35

Nseŋ bar menyi keshishɛrsawule nɛ efuliana na kulti kumo na so, nɛ ma nɛ menyi e tu abar ndoŋ nɛ n ji menyi demu nɛ men ji n tɔr.

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Nɔmbɛs 14:20

Ndoŋ nna nɛ Enyɛnpe Ebɔrɛ kaŋɛ Mosis le: “Ŋkpal fo ka kule ma so, n ta bumo be alubi m paŋ bumo.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 1:33

nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.

Ditɛronɔmi 12:9

ŋkpal manɛ so, menyi maŋ naŋ luri kasawule nɛ Enyɛnpe menyi be Ebɔrɛ na ta a sa menyi nɛ men chena so kayurwushi so na to.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Joshuwa 1:13

“Men nyiŋi kusɔ nɛ Mosis nɛ e la Enyɛnpe Ebɔrɛ be kayɛrbi na kaŋɛ menyi na. E yɛ Enyɛnpe menyi be Ebɔrɛ na ta kasawule nɛ k wɔ Jɔɔdan be lɔr na be epeŋilarkpa ere nna n sa menyi nɛ men baa wɔ kumo so kagbenewushiso.