Jɛremaya 31:11 - EBƆRƐ BE KAWƆL

¹¹ Meeŋ kɔ n suge bumo ashi bedoŋ nɛ baaŋ tiŋ m pɔɔ bumo so be enɔ to.

Jɛremaya 31:11 Iomraidhean Croise

Nshɛ 142:6

Enyɛnpe Ebɔrɛ, nu ma kushu nɛ mee shu a fin fo kechɛto ere. Ŋkpal manɛ so, asheŋ gben ma nna na. Mɔlga ma ashi ma doŋana be enɔ to; b chɔ ma eleŋ ga nɛ m maaŋ tiŋ bumo.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Aizaaya 49:24

Esa beeŋ tiŋ n suge kusɔ nɛ enapo kɔ n nya a? Ŋko n sɔ esa n yige ashi kumu kpakpasowura be enɔ to a?

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Jɛremaya 15:21

Ma alɛ beeŋ kɔ n suge fo ashi kumu kpakpasowuraana nɛ b maa wu kuwɔr ere be enɔ to. Ma, Enyɛnpe Ebɔrɛ e kaŋɛ na.”

Jɛremaya 50:33

Kede be kaman nɛ Enyɛnpe Ebɔrɛ na naŋ kaŋɛ le: “Israɛl nɛ Juda be basa kikɛ ji awurfoŋ nna ga. Bekama nɛ b daŋ pɔɔ bumo so nseŋ pɛ bumo tintiŋso na bee kuŋ bumo nna a maa sha kesa bumo ekpa nɛ b bɛta n yɔ bumo gbagba be efuli so.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Nfabel 3:58

Kumo be keman nɛ fo ba sɔ ma n yige nseŋ mɔlga ma efute nɛ n ji ŋkpa.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Zakareya 9:16

Kamɔnchɛ na Enyɛnpe Ebɔrɛ na e naŋ mɔlga mbe basa fanɛ kananɛ mbolpɔkpapo bee mɔlga mbe mbolpɔ ashi kenishipere to na. Baaŋ baa nyɛkpɛ mbe kasawule so fanɛ kuwurwuro so be amaŋkanibi na.

Matiu 12:29

Esa kama maaŋ tiŋ n tintiŋ n luri elempo be laŋ to n ta mbe asɔ n yɔ ama e kre elempo na nna pɔɛŋ nseŋ tiŋ n yuri mbe kowu na to be asɔ n yɔ.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 22:29

Nɛ Yesu kaŋɛ bumo: “Men maŋ kɔ kashenteŋ, ŋkpal manɛ so, men maŋ nyi abɔrɛsibɛ na ŋko Ebɔrɛ be eleŋ.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.