Jɛremaya 30:8 - EBƆRƐ BE KAWƆL

⁸ Kumo be kaman nɛ Enyɛnpetale Ebɔrɛ na kaŋɛ le: “Jemanɛ na kaŋ fo, meeŋ buri kubɔ to be kebarga nɛ k deŋ menyi be abɔ so na to nseŋ tuge ŋgbɛlɛbi nɛ a chɛ men be mbre nɛ aya kikɛ na, saŋɛ na so menyi maaŋ naa la anya n sa efuli pɔtɛana so be basa.

Jɛremaya 30:8 Iomraidhean Croise

Nshɛ 107:14

Tentembiri mina to nɛ e lara menyi nseŋ tuge menyi be ŋgbɛlɛbi nɛ men nya menyi be amu a ji.

Aizaaya 10:27

Jemanɛ na kaŋ fo meeŋ shin nɛ men suge menyi be amu ashi Asiriya be eleŋgboŋ to nɛ b maaŋ naa ji menyi so kuwura a tɔrɔ menyi. Asheŋ beeŋ naŋ nyalɛ n sa menyi.”

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 27:2

n chaŋɛ nwɔl be awulbi ŋ kre ndibi n lɔŋɛ kubɔ to be kebarga nseŋ ta kumo n di kubɔ to fanɛ kananɛ baa ta kumo a deŋi ana dɔso so na.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 28:10

Ndoŋ nna nɛ anebi Hananiya lara kubɔ to be kebarga na ashi ma kubɔ to nseŋ buri m buri kumo to.

Jɛremaya 28:13

n ya kaŋɛ anebi Hananiya le: “Enyɛnpe Ebɔrɛ na yɛ feeŋ tiŋ m buri kedibi bre be kubɔ to be kebarga na to, ama e beeŋ ta kebɛlso be kubɔ to be kebarga n tal kumo to.

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Ezikɛl 34:27

Saŋɛ na so nɛ ndibi na e sɔr nɛnɛ nɛ nsawule na kikɛ malɛ e wora adɔjibi. Kumo be kaman nɛ ekama e chena mo gbagba be kasawule so nɛ kayurwushi. Ŋ kaŋ tuge ŋgbɛlɛbi nɛ a kre ma basa na, nseŋ shin nɛ b nya bumo be amu ashi basa nɛ b pɛ bumo anya na be enɔ na nɛ baaŋ pin fanɛ ma e la Enyɛnpe Ebɔrɛ na.

Nahum 1:13

Meeŋ shin nɛ Asiriyaebi be eleŋ nɛ baa ji menyi so na e ba ekar, nɛ n tuge ŋgbɛlɛbi nɛ b ta ŋ kre menyi na to.”