Jɛremaya 30:7 - EBƆRƐ BE KAWƆL

⁷ Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 30:7 Iomraidhean Croise

Jɛnesis 32:7

Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.

Nshɛ 25:22

O Enyɛnpe Ebɔrɛ, jande mɔlga Israɛlebi ashi bumo be awurfoŋ to.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Jɛremaya 14:8

Fo e la Israɛl be basa tama kikɛ. Fo e naŋ tiŋ m mɔlga anyi ashi etɔrɔgboŋ to. Manɛ nna nɛ fee wora fanɛ efɔ ashi anyi be kasawule so, ŋko fanɛ esa nɛ e wɔ enite to nseŋ ba ji kanyɛ koŋwule?

Jɛremaya 2:27

Menyi nɛ menyee tre ndibi men tutoana nɛ ajembu men nioana na beeŋ ji anishinyɔr, ŋkpal men ka kini ma n lɛ so. Ama nɛ men baa wɔ etɔrɔ to bre, menyee shu a tre ma nna fanɛ m ba mɔlga menyi.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Danɛl 9:12

Kusɔ nɛ fo kaŋɛ fanɛ feeŋ wora anyi nɛ anyi be bejuŋkparpoana na bɔlɔ so. Fo gberge Jerusalɛm kusoe a chɔ kade kama kasawule ere so.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 1:2

Benimu, men nu nfe, menyi bekama nɛ men wɔ kasawule ere so, e kaŋ kusoe n nu. Men ka koso kikɛ le be kesheŋ ere daŋ wora men be jemanɛ to, ŋko men nananyɛnana be jemanɛ to a?

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Maika 4:9

Jerusalɛmebi, manɛ so nɛ menyee shu awɔrso ŋko a ji awurfoŋ fanɛ eche nɛ kakurge ta mo? Menyi ka maŋ kɔ ewura ŋko menyi be asoetojipoana ka wu so nɛ menyee shu a?

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Zakareya 14:7

K beeŋ baa la kachɛ nɛ k kɔr nchɛ kikɛ to nna. Karechɛ ŋko kanyɛ maaŋ naa wɔtɔ. Kanyɛ biri gba kakpa kraa beeŋ fulto parr. Enyɛnpe Ebɔrɛ na nawule e nyi saŋɛ nɛ loŋ beeŋ wora.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Maak 13:19

Ŋkpal manɛ so, nchɛ na be tɔrɔ beeŋ ba kaa chɔ tɔrɔ kama nɛ k ba basa so yili durnya be sososo, Ebɔrɛ be kasɔto be jemanɛ na kikɛ, m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Ashuŋ Shunso 2:20

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.

Romebi 11:26

Amoso, Israɛlebi kikɛ beeŋ nya kumɔlga fanɛ kananɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Emɔlgapo na beeŋ shi Zayɔn m ba lara edalubisheŋ kikɛ ashi Jeekɔb be kaman to ebi to.”

Kelaraŋŋini 6:17

Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”