Jɛremaya 30:21 - EBƆRƐ BE KAWƆL

^21-22 Ma basa be ejuŋkparpo beeŋ shi bumo be efuli so nna, nɛ bumo be ewura e shi bumo gbagba be basa to. Nɛ m baŋ teŋi enɔ n tre mo e beeŋ ba ma kutɔ, ŋkpal manɛ so, esa kikɛ maŋ tiŋ m ba ma kutɔ nɛ m maŋ tre mo. Baaŋ baa la ma basa, nɛ ma alɛ e baa la bumo be Ebɔrɛ. Ma, Enyɛnpe Ebɔrɛ e kaŋɛ na.”

Jɛremaya 30:21 Iomraidhean Croise

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 18:30

Ndoŋ nna nɛ Eebraham naŋ kaŋɛ: “Jande, sa maŋ kaŋ nya agbo Enyɛnpe, ama ŋ kraa sha kenaŋ m malga nna. Nɛ b la basa adesa nawule malɛ ai?” Nɛ e kaŋɛ: “Nɛ m baŋ nya basa nɛ b niŋi adesa ndoŋ, m maaŋ mur kumo.”

Jɛnesis 18:32

Ade kikɛ be kaman nɛ Eebraham naŋ kaŋɛ: “N nyɛnpe, jande sa maŋ kaŋ nya agbo, nɛ m malga kela koŋwule nseŋ yige. Nɛ fo nya basa nɛ b niŋi kudu nawule malɛ, nuso nɛ asheŋ beeŋ baa du?” Nɛ Enyɛnpe na kaŋɛ: “Ŋkpal basa kudu gba so, m maaŋ mur kumo.”

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

Ɛzra 2:2

Bumo e la: Zerubabel nɛ Joshuwa nɛ Nehemaya nɛ Seraya nɛ Reelaya nɛ Mɔdikaya nɛ Bilshan nɛ Mispa nɛ Bigvai nɛ Rehum nɛ Baana. Israɛl be mbuna ebi nɛ kananɛ b sa nseŋ bɛta m ba bumo be efuli so e daa la

Nehemaya 7:2

Basa anyɔ nɛ n daŋ lara fanɛ b baa la benimu nsaa keni Jerusalɛm be kadegboŋ na so. Bumo e la n sipo Hanani nɛ Hananiya nɛ e la enapo nimuso nɛ e bee keni kakpa lempo na so na. Ŋkpal manɛ so, Hananiya la esa nɛ feeŋ tiŋ n yirda nna, mo alɛ nseŋ naa kɔ kabɔrɛŋana a chɔ basa damta.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Jɛremaya 30:9

Kumo be kaman nɛ men shuŋ ma, Enyɛnpe, menyi be Ebɔrɛ na nɛ men nananyɛn ewura Deevid be kanaŋ to be esa nɛ meeŋ buu kuwura n chena na.

Jɛremaya 33:15

Jemanɛ na kaŋ fo meeŋ lara ewura Deevid be kaman to ebi to be esa nɛ e bee wora asheŋ niŋiso m buu mo kuwura. E beeŋ baa wora kusɔ nɛ k niŋi nseŋ daga ashi kasawule na kikɛ so.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 50:44

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Babilɔnebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Ezikɛl 37:24

Ewura nɛ e du fanɛ ma kayɛrbi Deevid e naaŋ baa la bumo be ewura nɛ bumo kikɛ e wora kɔnɔkoŋwule a wɔ mbe kaseto nseŋ ta kashenteŋji a bɛ ma mbraana so.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 16:5

Kumo be kaman nɛ e kaŋɛ Koora nɛ mo braana na le: “Echefo kachipurso Enyɛnpe Ebɔrɛ beeŋ ŋini anyi esa nɛ mo gbagba lara fanɛ e ki bɔrɛmatapo. Amodoŋwura malɛ beeŋ shuŋ mo kashenteŋto.

Matiu 2:2

“Nnɛ nɛ kebia nɛ b kurge nɛ e la Juwebi be ewura na wɔ? Mbe kechɛkpabi e lar epeŋilarkpa be kasawule so nɛ an wu kumo nseŋ ba nɛ an ba bunyaŋ mo.”

Matiu 27:37

Mbe kasogbergeso be shɛda be kasibɛ nɛ b daŋ sibɛ ŋ gbir m mata mbe kumu ase e daa la: “JUWEBI BE EWURA NƐ BAA TRE YESU NA NDE.”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Ditɛronɔmi 17:15

Nɛ k kaŋ ba loŋ, men lara esa nɛ Enyɛnpe Ebɔrɛ na gbagba lara nɛ e ki menyi be ewura na. Mo alɛ daga fanɛ e baa la menyi to be esa gbagba, mannɛ efɔ.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

Ditɛronɔmi 33:5

Enyɛnpe Ebɔrɛ na ki mbe basa Israɛlebi be ewura, jemanɛ nɛ bumo be eyiriana na nɛ bejuŋkparpoana na gama abar so.”

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”