Jɛremaya 30:20 - EBƆRƐ BE KAWƆL

²⁰ Ma alɛ beeŋ naŋ shin nɛ efuli na e nya kumo be eleŋgboŋ dra nɛ k daa kɔ na nseŋ yili to kpakpa. Meeŋ gberge bekama nɛ b daŋ kɔrfɛ bumo na kusoe.

Jɛremaya 30:20 Iomraidhean Croise

Nshɛ 102:18

Men sibɛ kusɔ nɛ Ebɔrɛ wora n nase n sa kaman to ebi nɛ baaŋ ba echefoso na; saŋɛ na so, bumo alɛ gba beeŋ ba kpaŋ Enyɛnpe Ebɔrɛ na ŋ kaŋɛ le:

Nshɛ 102:28

Basa nɛ baa shuŋ fo be mbia beeŋ baa wɔ fo kutɔ, nɛ fo baa kuŋ bumo nɛ bumo be kaman to ebi kikɛ.”

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Nfabel 5:21

O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Zakareya 10:8

Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Zakareya 8:5

nɛ mbinyɛnsobi nɛ bechesobi malɛ e sɔ agbembi so a pel.