Jɛremaya 30:18 - EBƆRƐ BE KAWƆL

¹⁸ Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Jɛremaya 30:18 Iomraidhean Croise

1 Kronikɛls 29:1

Kede be kaman nɛ ewura Deevid kaŋɛ basa na malɛ le: “M pibinyɛn Sɔlɔmɔn nɛ Ebɔrɛ lara fanɛ e pɔr bɔrɛlambu na ama mo alɛ kra la kebia nna, e maŋ naŋ pin asheŋ nɛnɛ. Bɔrɛlambu na malɛ be kushuŋ maŋ la alefasha, ŋkpal manɛ so k maŋ la edimɛdi peya, Enyɛnpe Ebɔrɛ be bɔrɛlambu nna.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

Nehemaya 7:4

Jerusalɛm daa la kade gboŋgboŋi nna, ama basa gbrɛbi ko e daa wɔ kumo to. Bumo alɛ daa maŋ naŋ lɔŋɛ m pɔr bumo be nwu ndoŋ.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 102:14

Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 122:7

Ebɔrɛ e shin nɛ kayurwushi e baa wɔ kadegboŋ na to; e shin nɛ kayurwushi e baa wɔ ndoŋ be ewurkpaana.

Nshɛ 48:13

Men keni kumo be egbal lempo nɛ kumo be ekuŋkpa lempoana na. Saŋɛ na so menyeeŋ tiŋ ŋ kaŋɛ men be kaman to ebi le:

Nshɛ 48:3

Ebɔrɛ na e wɔ kumo so a kuŋ kumo. E shin nɛ basa pin fanɛ, mo Ebɔrɛ na e la kadegboŋ na be ekumpo.

Nshɛ 78:69

Kumo be awɔlto, nɛ e daŋ pɔr mbe bɔrɛlambu nɛ kumo be gbaltɔlase daa kɔ eleŋ fanɛ kasawule nɛ e to n yili mbaanaayɔ na.

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Jɛremaya 23:3

Meeŋ naŋ gama ma basa nɛ b daŋ pesaŋ to n yɔ efuli pɔtɛana so na abar so nseŋ bɛta bumo m ba bumo gbagba be kasawule so. Baaŋ ba kurge mbia damta n wora keshi n ti so.

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Jɛremaya 31:38

Kede be kaman nɛ Enyɛnpe Ebɔrɛ na kaŋɛ le: “Jemanɛ nɛ baaŋ yili Hananɛl be Ebu jeŋgreŋ na be egbaŋ to n ya fo Kukɔlɔto be Kabunagboŋ na be egbaŋ to n lɔŋɛ Jerusalɛm kikɛ m pɔr fanɛ kadegboŋ n sa ma na bee ba.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Jɛremaya 32:15

Enyɛnpetale Ebɔrɛ na kaŋɛ fanɛ basa beeŋ naŋ tɔ nwu nɛ nsawule nɛ ndibi sɔrso be adɔ ashi efuli ere so.”

Jɛremaya 32:44

Basa beeŋ naŋ tɔ nsawule nseŋ wora amo be nwɔl n shin nɛ eshɛdajipoana nɛ bumo gbagba e yisi enɔ nwɔl na to a ŋini fanɛ b tɔ nsawule na nna. Mboŋ nɛ le beeŋ wora e la Bɛnjamin be yiri be kebonfu to nɛ ndekarso nɛ a kulti Jerusalɛm be kadegboŋ na nɛ Juda be efuli so be nde to nɛ nde nɛ a wɔ abee so nɛ amo nɛ a wɔ abeemase nɛ Juda be kelargato be kaseto be kaba so kikɛ na. Meeŋ naŋ bɛta basa na m ba chena bumo be kasawule so. Ma, Enyɛnpe Ebɔrɛ e kaŋɛ na.”

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Jɛremaya 33:7

Meeŋ naŋ ta kasawule ere n sa Juda nɛ Israɛl be kuwurgboŋ nɛ k wɔ kelargato be esoso be kaba so na nseŋ shin nɛ b naŋ nya eleŋ nɛ b daa kɔ na.

Jɛremaya 46:27

“Ma basa, men sa maa lɔ kufu. Israɛl be basa, men sa maa chicha kufuso. Kachako meeŋ lara menyi ashi efuli pɔtɛana so m bar menyi epe. Menyi nɛ menyi be kaman to ebi kikɛ beeŋ ba kaa wɔ kayurwushi to nɛ esa kikɛ maaŋ naŋ ta kufu n da menyi.

Jɛremaya 49:39

Ama kachako meeŋ naŋ bɛta Elam be basa m ba bumo be kasawule so nɛ b naŋ dii kedama. Ma, Enyɛnpe Ebɔrɛ e kaŋɛ na.”

Jɛremaya 49:6

Ama kachako meeŋ naŋ bɛta Ammɔn be basa m ba epe n shin nɛ b naŋ nya asɔ nɛ b paŋ na. Ma, Enyɛnpe Ebɔrɛ e kaŋɛ na.”

Ezikɛl 36:11

Ma alɛ beeŋ naŋ shin menyi be asɔbɔya kikɛ e salga n wora keshi nɛ men naaŋ chena kasawule na so fanɛ kananɛ men daŋ chena kumo so dra na. Menyeeŋ dii kedama ga a chɔ kananɛ men daa du na, saŋɛ na so nɛ menyeeŋ pin fanɛ ma e la Enyɛnpe Ebɔrɛ na.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Zakareya 1:12

Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 12:6

Jemanɛ na kaŋ fo, meeŋ shin nɛ Juda be efuli so be benimuana na e ki fanɛ edɛ ashi kupo to ŋko aboyu nɛ a wɔl a yil to. Baaŋ mur efuliana nɛ e kulti bumo na kikɛ. Ama shɛŋ maaŋ wora basa nɛ b wɔ Jerusalɛm be kadegboŋ na to na bre.

Zakareya 12:7

Ma Enyɛnpetale Ebɔrɛ na e naŋ shin nɛ Juda be benapo e juŋkpar ŋ kɔ m pɔɔ so, saŋɛ na so kemaŋkura nɛ ewura Deevid be kaman to ebi nɛ basa nɛ b wɔ Jerusalɛm to beeŋ nya na maaŋ baa chɔ Juda be efuli so be basa nɛ b ka na peya.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.