Jɛremaya 30:17 - EBƆRƐ BE KAWƆL

¹⁷ Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 30:17 Iomraidhean Croise

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Nshɛ 107:20

Mo gbagba be kamalga be eleŋ to nɛ e daŋ bɔla so n chɛ menyi to, m mɔlga menyi ashi kemur to.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 54:6

Menyi, Israɛlebi, du fanɛ eche fɔlbi nɛ mo kul kini mo nɛ e bee shu kagbenejijaso nna. Ama Enyɛnpe Ebɔrɛ na naŋ tre menyi m ba, nsaa kaŋɛ menyi le:

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Aizaaya 58:8

Aloŋ nɛ ma kuwɔrwu beeŋ nyaŋɛ n yuu menyi so fanɛ kachipurso be epeŋi, nɛ menyi alɛ e naaŋ nya menyi be alɔ be kechɛ manaŋ manaŋ. Ma nɛ menyi beeŋ baa wɔtɔ nɛ m baa mɔlga menyi nsaa kuŋ menyi ekpa kama so.

Aizaaya 60:15

Menyi be kadegboŋ na maaŋ naa la kade nɛ ekama beeŋ kini n lɛ nseŋ kishi kumo be asheŋ a maa sha kumo to be keba gba na. Ama meeŋ shin nɛ k nyalɛ kebita nɛ kumo be ketre e dii. K beeŋ ki kagbenewushi be kakpa n sa bekama nɛ baaŋ chena kumo to nɛ bekama nɛ baaŋ shir kaman m ba na kikɛ.

Jɛremaya 10:20

Anyi be elaŋana mur; nɛ anyi be mbia wu ŋ ka anyi. Esa kikɛ maŋ naa wɔtɔ nɛ e chɛ anyi to n fin echenakpa.”

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 30:13

Esa kikɛ maŋ wɔtɔ nɛ e keni menyi so; kechɛ malɛ maŋ wɔtɔ n sa menyi be achuu, tama malɛ kikɛ maŋ wɔtɔ n sa menyi a laŋɛ menyi be kenya kechɛ be kaplɛa so.

Jɛremaya 33:24

“Fee nu befɔ ka bee tege ma basa a kaŋɛ fanɛ Enyɛnpe Ebɔrɛ na e daŋ lara Israɛl nɛ Juda, ama naniere e kini bumo n lɛ nɛ b maŋ naa kɔ bumo gbagba be efuli.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Nfabel 2:15

Basa nɛ b bɔla kadegboŋ na ase a choŋ bee fɛl menyi nna. Baa keni Jerusalɛm be alambure na nna nsaa fifi amu a mushe. Kumo be kaman nɛ b bishi le: “Kadegboŋ lela na nde a? Kadegboŋ nɛ durnya kikɛ daa puchi so na nde a?”

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 35:12

Kumo be kaman, nɛ men pin fanɛ ma Enyɛnpe Ebɔrɛ na daŋ nu men ka daa malga mmalga jiga a gbiti Israɛl be basa nsaa kaŋɛ fanɛ kasawule na dese jiga nna n sa menyi nɛ men ta ŋ ki menyeya.

Ezikɛl 36:20

Kaplɛkama malɛ nɛ b yɔ, b daa ŋaba ma ketre cheembi na nna; ŋkpal manɛ so, le nɛ efuli pɔtɛana be basa daa kaŋɛ: ‘Enyɛnpe Ebɔrɛ na be basa nna na. E tintiŋ bumo nna n lar bumo gbagba be kasawule so.’

Hoziya 11:3

Ma e pɛ Israɛlebi be enɔ to n ŋini bumo enite, ŋkeshin nɛ bumo alɛ maaŋ wu gba fanɛ ma e naa chɛ bumo to.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.