Jɛremaya 30:15 - EBƆRƐ BE KAWƆL

¹⁵ Men sa maŋ naa fubel a bile asheŋ ŋkpal menyi be edoro so; kechɛ kikɛ maŋ wɔtɔ n sa menyi.

Jɛremaya 30:15 Iomraidhean Croise

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Job be kawɔl 34:6

Job malɛ naa kaŋɛ fanɛ Ebɔrɛ bee tre mo efɛpo nna. Mo alɛ maŋ wora kulubi kikɛ nsaa ji awurfoŋ damta na.

Nshɛ 107:17

Menyi to be beko wora alubi kawuliso nna nsaa ji awurfoŋ.

Aizaaya 1:6

K du fanɛ yili menyi be amu so m ba fo aya so, menyi be eyurana be kaplɛkama kɔ alɔ nna. Men pɛge so nna n wora achuu ama menyi alɛ maa sha esa kikɛ malɛ ka fɔr amo nseŋ wɔtɔ amo kudur ŋko ŋ kre amo so.

Aizaaya 5:2

N teri na daŋ pulgi kasawule na to nna, n tise kumo so be ajembu kikɛ pɔɛŋ; nseŋ duu afeelebi lela kumo so. Kumo be kaman nɛ e pɔr egbal a kuŋ amo, nseŋ pɔr ebu jeŋgreŋ ko nɛ baaŋ baa yili so a keni kudɔ na nseŋ kur kemaŋ nɛ baaŋ baa nyaŋ asɔrso na a wɔtɔ. E daa tama fanɛ asɔrso na beeŋ wora nɛnɛ nseŋ pere a wɔ ebel nna, ama amo kikɛ daa du nyaŋnyaŋ nna.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 30:12

Kede be kaman nɛ Enyɛnpe Ebɔrɛ na kaŋɛ mbe basa le: “Men be edoro maa tiŋ a chɛ, nɛ men be piira gba maa tiŋ a chɛ.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 46:11

Ijipt be basa, men yɔ Giliad be kasawule so n ya fin kudur! Menyi be adur kikɛ la adur jiga nna; a maaŋ tiŋ n chɛ menyi.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Nfabel 3:39

Manɛ nna nɛ esa nɛ e kraa kɔ ŋkpa bee fubel a bele asheŋ jemanɛ nɛ e wɔ mbe alubi be kasogberge to?

Nfabel 4:13

Ama loŋ daŋ wora nna ŋkpal Jerusalɛm to be anebiana nɛ bɔrɛmatapoana na ka daŋ wora alubi nseŋ shin nɛ b mɔ basa nɛ b maŋ wora shɛŋ na so.

Maika 1:9

Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.

Nahum 3:19

Kudur kikɛ maŋ wɔtɔ nɛ k tiŋ n chɛ ebesa nɛ doro nɛ a wɔ fo to ere. Ekama nɛ e nu fo kemur be kubɔya ere, bee kpla enɔ kagbenefuliso nna ŋkpal ebesa nɛ b ji ŋkpal fo kumukpakpaso so.