Jɛremaya 30:14 - EBƆRƐ BE KAWƆL

¹⁴ Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 30:14 Iomraidhean Croise

Job be kawɔl 16:9

Ebɔrɛ nya agbo nna a kɔrfɛ ma kenishipereso, nseŋ ta anishi n yuu ma so a we anyii to yurkishi so.

Job be kawɔl 19:11

Mbe agbo koso ma so alegaiso nna, nɛ e bee wora ma fanɛ mo doŋ gbagba na.

Job be kawɔl 30:21

Ebɔrɛ maŋ shu ma so kuraa n wu ma kuwɔr. Mbe eleŋgboŋ nɛ e ta ŋ kɔrfɛ ma.

Nshɛ 107:17

Menyi to be beko wora alubi kawuliso nna nsaa ji awurfoŋ.

Aizaaya 57:13

Men kaa shu a fin kechɛto, men shin nɛ menyi be agbirana e mɔlga menyi! Ama afu fimbi e naŋ ber amo n lɛ. Bekama nɛ b yirda ma e naaŋ chena kasawule na so nseŋ shuŋ ma ashi ma bɔrɛlambu to ashi ma kebee cheembi na so.”

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 22:20

Jerusalɛm to be basa, efuliana nɛ men yirda na kɔ n tɔr nsaa maŋ naa kɔ eleŋ. Amoso men yɔ Lebanɔn be efuli so, nɛ Bashan be kasawule so n ya shu anishichubi; nseŋ dii Mowab be abee so n ya shu awɔrso ndoŋ.

Jɛremaya 22:22

Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 30:15

Men sa maŋ naa fubel a bile asheŋ ŋkpal menyi be edoro so; kechɛ kikɛ maŋ wɔtɔ n sa menyi.

Jɛremaya 32:29

nseŋ nya edɛ n wɔtɔ kumo to n chɔɔ m mur. Kananɛ basa daa chɔɔ eduwu nwu na be adamta be achoŋi so a sa kegbir nɛ baa tre Baal na nseŋ naa ta yabra a to nchu a sa agbir pɔtɛana na, e shin nɛ n nya agbo na.

Jɛremaya 32:30

Israɛl nɛ Juda be basa be edaŋkaresheŋ to be sososo kikɛ, b maŋ tiŋ n wora asheŋ nɛ a par ma. Bumo be asheŋ woraso bee wɔtɔ ma agbo to nna.

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 38:22

Ashi bɔrɛdare na to n wu beche ka lar Juda be ewurkpa a yɔ Babilɔn be ewura be benimuana na kutɔ. Kusɔ nɛ b daa kaŋɛ jemanɛ nɛ b daa yɔ na nde: ‘Ewura mo teri kpakpasoana e fule mo, nɛ e bɛ bumo be kɔnɔ so. Nɛ naniere mbe aya nia edepɔ to, nɛ mo teriana na shile mo.’ ”

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Jɛremaya 50:42

B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.

Jɛremaya 6:23

B kɔ bumo be ata nɛ etokobi nna a ba. Bumo alɛ maŋ kɔ kushuso ŋko e wu kuwɔr. Egbaŋɛ nɛ baa dii na be aya bee gbri kasawule so nna fanɛ ketili ka bee kaa teku so na. B wora shiriya nna a ba nɛ b ba kɔ Jerusalɛmebi kena.”

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 2:1

Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Ezikɛl 23:22

Amoso kusɔ nɛ ma, Enyɛnpetale Ebɔrɛ na bee kaŋɛ Oholiba nɛ fo yili n sa Jerusalɛm na e la fanɛ meeŋ shin nɛ fo jipoana nɛ bumo be asheŋ fi fo ere e nya agbo n wɔtɔ fo nseŋ ba kulti fo n wɔtɔ fanɛ bedoŋ na.

Ezikɛl 23:9

Amoso nɛ n kini mo n sa mo jipoana nɛ e daa sha ga ashi Asiriya be efuli so na.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Danɛl 9:13

Kasogberge nɛ k dese Mosis be mbra na to na ba anyi kikɛ so. Ama amo nɛ amo kikɛ an kraa maa wora fo aparsheŋ. Kumo e la fanɛ an maŋ yige alubi be kewora, anyi alɛ maa bɛ fo kashenteŋ na so.

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Obadaya 1:7

Men doŋana beeŋ tintiŋ menyi n yɔ efuli ere so be ekarso cheche, nɛ men teriana e fule menyi nseŋ pɔɔ menyi so. Bumo nɛ baa tu menyi a ji menyi be ajibi naniere beeŋ sho menyi ajigbelɛ, ama menyi alɛ maaŋ pin.”