Jɛremaya 3:7 - EBƆRƐ BE KAWƆL

⁷ N daa fɛ fanɛ ade kikɛ be kaman e beeŋ bɛta m ba ma kutɔ, ama e maŋ bɛta m ba. Juda be efuli nɛ k maa ji kashenteŋ nsaa la fanɛ eniopibi n sa Israɛl be efuli na gba wu kusɔ nɛ k wora na kikɛ.

Jɛremaya 3:7 Iomraidhean Croise

2 Kronikɛls 17:4

E daŋ shuŋ mo tuto be Ebɔrɛ nseŋ bɛ Ebɔrɛ be mbra so, a maŋ wora kananɛ Israɛl be bewuraana daŋ wora na.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 33:24

“Fee nu befɔ ka bee tege ma basa a kaŋɛ fanɛ Enyɛnpe Ebɔrɛ na e daŋ lara Israɛl nɛ Juda, ama naniere e kini bumo n lɛ nɛ b maŋ naa kɔ bumo gbagba be efuli.

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Ezikɛl 16:46

Fo dacheso e la kadegboŋ nɛ baa tre Samɛria na, nɛ kumo nɛ kumo be ndekarso wɔ a laŋɛ fo kelargato be esoso na. Nɛ fo sipocheso malɛ la kadegboŋ nɛ baa tre Sodɔm na, nɛ kumo alɛ nɛ kumo be ndekarso wɔ a laŋɛ fo kelargato be kaseto na.

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.