Jɛremaya 3:3 - EBƆRƐ BE KAWƆL

³ Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 3:3 Iomraidhean Croise

Jɛnesis 19:34

Kumo be ŋklade nɛ mo pibiche gboŋiso na kaŋɛ mo sipo na le: “Ndere kanyɛso ma ere nɛ an tuto di, amoso shin nɛ an naŋ ya sa mo nsa kanyɛ ere nɛ fo alɛ nɛ mo e naaŋ di, saŋɛ na so anyi be ekama beeŋ bɔla mo so n nya kebia nɛ anyi be kanaŋ e sa maŋ mur.”

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Jɛremaya 14:1

Ewule ka daŋ yili jemanɛ tenteŋ ko nɛ Enyɛnpe Ebɔrɛ na kaŋɛ ma fanɛ ŋ kaŋɛ basa na le:

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 14:3

Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 5:24

Men kini kekaŋɛ le: ‘Men shin nɛ an shuŋ Enyɛnpe Ebɔrɛ na! Mo e naa shin nɛ dɔchubɔrɛ so nɛ kpaŋchala so be bɔrɛ bee ba nɛ anyee nya a dɔ a teŋi kafɛ kikɛ na.’

Jɛremaya 5:25

Ama menyi be alubi so, men maŋ nya asɔ lela ere kikɛ.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Levitikɔs 26:19

Meeŋ shin nɛ men be kumukpakpaso be kamoowu e ki fuloŋ. Ma alɛ beeŋ pɛ bɔrɛ nɛ kasawule na a wɔl ŋ ki kpakpa fanɛ kebelso.

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Zefanaiya 2:1

Kanishinyɔrpaŋ be efuli be basa ere, men ba abar so

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Heegai 1:11

Ma e shin nɛ ewule ba adɔsawule nɛ abee nɛ ndibi sɔrso be adɔ so nɛ kusɔ kama nɛ k bee shi kasawule to nɛ edimɛdi nɛ asɔbɔya kikɛ so, nɛ menyi be kegben kikɛ to jiga na. B ka wora Ebɔrɛ be kamalga kasonu be asheŋ

Ditɛronɔmi 28:23

Enyɛnpe Ebɔrɛ na beeŋ shin nɛ bɔrɛ maaŋ naŋ ba, nɛ kasawule a wɔl ŋ ki kpakpa fanɛ kebɛlso na

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!