Jɛremaya 3:25 - EBƆRƐ BE KAWƆL

²⁵ Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Jɛremaya 3:25 Iomraidhean Croise

Nshɛ 106:6

Anyi nɛ an nanaana kikɛ wora asheŋ lubi ga.

Nshɛ 106:7

An nanaana ka daa wɔ Ijipt be efuli so na, bumo be lakal daa maa wɔ Ebɔrɛ be mamachi be asheŋ woraso so; ŋko kasha so. Jemanɛ nɛ b daa dii teku peper na, b daŋ pal kaman nna n sa mo.

Nshɛ 109:29

Fo e naŋ shin nɛ anishinyɔr e ki fanɛ asɔbuuso m buu basa nɛ baa wu ma kulubi na.

Aŋasa 13:18

Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.

Aŋasa 5:13

N daa maŋ nu n sa ma beŋinipoana; n daŋ kplaŋ bumo so nna.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Jɛremaya 20:18

Manɛ so nɛ b kurge ma bre? Kebaa kaa wɔ etɔrɔ nɛ awurfoŋ to a ji anishinyɔr n ya wu so nɛ b kurge ma a?

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 31:19

An daŋ shile fo nna, ama naniere anyi naa sha kebɛta m ba fo kutɔ nna. Fo ka gberge anyi kusoe na be kaman, nɛ kagbenejija tɔr anyi so nɛ an kurgi amu n yuu to. Nyɔmɔ daŋ pɛ anyi nna nɛ an ji anishinyɔr ŋkpal an ka wora alubi saŋɛ nɛ an daa la mbifɔlbi kikɛ na so.’

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Jɛremaya 9:18

Kumo be kaman nɛ basa na kaŋɛ le: “Kaŋɛ beche na nɛ b nya manaŋ m boŋ awɔba n sa anyi; saŋɛ na so anyeeŋ shu m bure anishi.”

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Nfabel 5:7

An nananyɛnana e daŋ wora alubi, bumo alɛ maŋ naa wɔtɔ naniere. Anyi e wɔtɔ a ji bumo be alubi na be awurfoŋ.

Ezikɛl 2:3

“Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.

Ezikɛl 36:32

Kede be kaman nɛ Enyɛnpetale Ebɔrɛ na kaŋɛ le: Israɛlebi, mee sha nɛ men pin fanɛ mannɛ menyi so nɛ mee wora asheŋ ere, ama mee sha nna nɛ anishinyɔr nɛ nyɔmɔ e pɛ menyi ŋkpal asheŋ nɛ men wora na so.”

Ezikɛl 44:13

B maaŋ naŋ tiŋ n shuŋ ma fanɛ bɔrɛmatapoana ŋko n yɔ ma kusɔ cheembi kama ase ŋko n luri bɔrɛlambu na to be acheembiana to be kakpa cheembi na to. Ekishisheŋ nɛ b wora na be kasogberge nna na.

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Hoziya 9:10

Enyɛnpe Ebɔrɛ yɛ: “Saŋɛ nɛ n fara n wu Israɛlebi na, b daa du nna fanɛ esa ka ya wu asɔrso nɛ baa tre greep ashi keshishɛrsawule so na. Saŋɛ nɛ n wu men nananyɛnana na, b daa du nna fanɛ esa ka wu figi be kedibi ka fara a futi na. Ama b ka ba kebeegboŋ nɛ baa tre Piyɔɔ na ase m ba ta bumo be kumu n sa kegbir nɛ baa tre Baal na, nɛ n fara ŋ kishi bumo alegaiso fanɛ kananɛ ŋ kishi kegbir na gbagba na.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Demujipoana 2:2

Amoso menyi nɛ basa nɛ b tase efuli na so na e sa maŋ kaŋ luri kɔnɔkoŋwule be ŋkre kikɛ to. A daŋ daga fanɛ men bure bumo be agbirshuŋkpaana kikɛ, ama menyi maŋ nu n sa kusɔ nɛ ŋ kaŋɛ na.