Jɛremaya 3:21 - EBƆRƐ BE KAWƆL

²¹ Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Jɛremaya 3:21 Iomraidhean Croise

Job be kawɔl 33:27

Loŋ malɛ kaŋ wora, baaŋ kaŋɛ ekama le: “An daŋ wora alubi nseŋ foe Ebɔrɛ be ekpa so, ama Ebɔrɛ ta m paŋ anyi

Aŋasa 10:9

Beshenteŋjipo bee nya kekuŋ nna, nɛ shɛŋ maa gbuŋgbuŋ bumo; ama kebirkɔnshiwura be asheŋ beeŋ lar efuli.

Aŋasa 19:3

Kawuli e naa yɛr basa ko tɔrɔ to nɛ baa pɔlɔ Enyɛnpe Ebɔrɛ.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 13:25

E yɛ kusɔ nɛ k beeŋ nya menyi nna na. Kusɔ nɛ e kre kewora fo basa nna na, ŋkpal b ka teŋ mo so nseŋ yirda agbirana nɛ e maŋ kɔ kashenteŋ so.

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 3:2

Men keni abeebi nɛ atarkpaŋ so! Amo be kumo so nɛ menyi maŋ ya shuŋ agbirana fanɛ kananɛ esakale bee nite a sha benyɛn na? Kananɛ beyu nɛ baa ta adoŋsɔ a suge basa be asɔ bee pugi ekpakar a jo basa na, nɛ menyi alɛ gba bee chena ekpakar a fin agbirana a shuŋ. Menyi be kagbirshuŋ nɛ k du fanɛ kubojuaji na shin nɛ mbushu sɔ kasawule na kikɛ so nna.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Nɔmbɛs 22:32

Nɛ malaika na kaŋɛ Balaam le: “Manɛ nna nɛ fo bri fo kurma ale asa kikɛ? M ba nna nɛ m ba kuŋ fo ekpa nɛ fo maaŋ yɔ fo enite ere to.

2 Kɔrintebi 7:10

Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.