Jɛremaya 3:20 - EBƆRƐ BE KAWƆL

²⁰ Ama men maŋ ji kashenteŋ n sa ma, fanɛ eche nɛ e maŋ kɔ kashenteŋji n sa mo kul na. Ma, Enyɛnpe Ebɔrɛ e kaŋɛ na”

Jɛremaya 3:20 Iomraidhean Croise

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Hoziya 3:1

Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Hoziya 5:7

B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.