Jɛremaya 3:2 - EBƆRƐ BE KAWƆL

² Men keni abeebi nɛ atarkpaŋ so! Amo be kumo so nɛ menyi maŋ ya shuŋ agbirana fanɛ kananɛ esakale bee nite a sha benyɛn na? Kananɛ beyu nɛ baa ta adoŋsɔ a suge basa be asɔ bee pugi ekpakar a jo basa na, nɛ menyi alɛ gba bee chena ekpakar a fin agbirana a shuŋ. Menyi be kagbirshuŋ nɛ k du fanɛ kubojuaji na shin nɛ mbushu sɔ kasawule na kikɛ so nna.

Jɛremaya 3:2 Iomraidhean Croise

Jɛnesis 38:14

Taama ka nu loŋ nɛ e delge mbe kukulwu be asɔbuuso nɛ e daŋ buu na n nase nseŋ ta asɔ pɔtɛ m buu n ta shata n deŋi kumu nɛ k baa buu mbe anishiakpa so. Kumo be kaman nɛ e ya chena kade nɛ baa tre Enayim na be ekarso. E daŋ wora loŋ nna ŋkpal e kaa nyi Juda pibinyɛn Shela ka daŋ ŋ ki enyɛn nɛ bumo alɛ daa maŋ shin nɛ e ya kil mo na so.

1 Bewura 11:3

E daŋ ta bewura be mbichebi alfa ashunu a kil nsaa kɔ bejipo malɛ alfa asa. Bumo e daŋ shin nɛ e kini Ebɔrɛ.

2 Bewura 23:13

Ewura Josaya daŋ bɔla daŋkare be ekpa so nna n jija ebɔrɛsure nɛ ewura Sɔlɔmɔn daŋ pɔr Jerusalɛm be epeŋilarkpa be kaba so nɛ kebee nɛ baa tre Ɔlifs na be kelargato be kaseto be kaba so nɛ baa shuŋ kegbirche Ashira nɛ k wɔ Sidɔn be kade to na nɛ kegbir nɛ baa tre Chemɔsh nɛ k wɔ Mowab na nɛ kegbir nɛ baa tre Mɔlɛk nɛ k wɔ Ammɔn nɛ a la asɔ fuloŋ na.

Nshɛ 106:38

Bumo be mbia nɛ b maŋ nyi kulubi nɛ kelela na be ŋklaŋ nɛ b daŋ ta n lara esarga n sa Keenan be efuli so be agbirana n jija kasawule na.

Aŋasa 23:28

Baa jo fo nna fanɛ eyu na, nɛ b da fo n lɛ alubiworapoana to.

Aŋasa 7:11

Eche na daŋ paŋ anishinyɔr nna, nsaa nite kubɔrbi so saŋkikɛ a malga awɔrso.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 3:21

Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Jɛremaya 3:9

nɛ nyɔmɔ maŋ kɔ bumo. B daŋ ta ajembu nɛ ndibi ŋ ki agbirana n shuŋ amo n shin nɛ mbushu ba kasawule na so.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Ezikɛl 16:16

Fo alɛ lɔŋɛ agbirshuŋkpa nseŋ ta fo asɔbuuso na be ako n lɔŋɛ ndoŋ nsaa keta fo benyɛn a yɔ ndoŋ n ya kaa ji kesakalea. Le be asheŋ daa maŋ daga fanɛ a wora kikɛ.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Ditɛronɔmi 12:2

Men ya jija abee jeŋgreŋ nɛ agoŋgulombi nɛ ndibigboŋ nɛ basa na ta ŋ ki bumo be agbirshuŋkpa na kikɛ.