Jɛremaya 3:10 - EBƆRƐ BE KAWƆL

¹⁰ Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 3:10 Iomraidhean Croise

2 Kronikɛls 34:33

Ewura Josaya daŋ mur agbir nɛ Ebɔrɛ kishi ga na nna ashi Israɛl be kasawule na so kikɛ. Mo alɛ ka daa wɔ ŋkpa to na, e daŋ shin nna nɛ basa na bee shuŋ Enyɛnpe bumo nananyɛnana be Ebɔrɛ na nna.

Nshɛ 18:44

Efuli pɔtɛ so ebi bee jɔŋɛ ma ase nna. M baŋ yili kesheŋ n sa bumo, baa bɛ so nna.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 31:6

Kede be kaman nɛ Enyɛnpe Ebɔrɛ na naŋ kaŋɛ: “Menyi Israɛl be basa wora kulubi n da ma so nseŋ kini ma. Ama naniere, men bɛta m ba ma kutɔ!

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 12:2

Fo e duu bumo fanɛ ndibi nɛ baa mur achin, nsaa daŋ a sɔr asɔrso. B baa malga fo asheŋ lela gba be asheŋ, k maa shi bumo be ŋgbene to.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Hoziya 7:14

B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Eemɔs 4:9

Ma e shin nɛ afu tushiso jija menyi be adɔjibi nseŋ shin nɛ elotɔr malɛ jija menyi be ndɔana nɛ men be afeelebi nɛ baa tre greep na be ndɔana nɛ figidibi nɛ ɔlif be ndibi be ndɔana, ama amo nɛ amo kikɛ men kraŋ kini kebɛta m ba ŋ kutɔ. Ma Enyɛnpe Ebɔrɛ na e malga na!

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.