Jɛremaya 29:7 - EBƆRƐ BE KAWƆL

⁷ Men baa kule Ebɔrɛ a fin kayurwushi a sa Babilɔn be efuli na nsaa shuŋ ga ashi ndeana na to nɛ asheŋ e baa nite nɛnɛ amo to. Nɛ asheŋ bee nite nɛnɛ ndeana na to, asheŋ beeŋ nyalɛ n sa menyi alɛ gba.

Jɛremaya 29:7 Iomraidhean Croise

Ɛzra 6:10

Loŋ e naŋ shin nɛ b lara esarga nɛ a beeŋ par Ebɔrɛ nɛ mo alɛ e nɛfa ma nɛ ma kaman to ebi kikɛ.

Ɛzra 7:23

Kusɔ kama nɛ Ebɔrɛ nɛ e wɔ ebɔrɛso na baŋ kaŋɛ fanɛ e bee sha, a daga fanɛ b wora kumo kananɛ e bee sha na manaŋ manaŋ n sa mo. Men sa maŋ shin e nya agbo n wɔtɔ ma ŋko bekama nɛ baaŋ ba ma kaman na.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Ezikɛl 11:16

Ama kusɔ nɛ mee sha fanɛ fo, Ezikɛl, e kaŋɛ Israɛl be basa nɛ b wɔ Babilɔn be efuli so na e la fanɛ, ma e shin nɛ b yɔ efuli pɔtɛ so kufɔ kufɔ n ya pesaŋ to a wɔtɔ na. Ama naniere, ma nɛ menyi e naŋ baa la ashi efuliana nɛ men wɔ amo so na.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

Romebi 13:5

Amoso, a daga fanɛ men baa bar menyi be amu kaseto a sa bejuŋkparpoana, mannɛ ŋkpal kasogberge nawule so, ama ŋkpal kananɛ menyi be ŋgbene to be nfɛra bee yili menyi so so.