Jɛremaya 29:12 - EBƆRƐ BE KAWƆL

¹² Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Jɛremaya 29:12 Iomraidhean Croise

2 Kronikɛls 33:13

Nɛ ewura Manase be asheŋ pɛ Ebɔrɛ kuwɔr nɛ e nu mbe kekule nseŋ shin nɛ e bɛta n yɔ Jerusalɛm n ya kaa ji mbe kuwura. Ndoŋ nɛ ewura Manase pin fanɛ Enyɛnpe na e la Ebɔrɛ.

2 Kronikɛls 6:38

Nɛ fanɛ b chɛrga bumo be nfɛra kashenteŋto nna ashi efuli na so bre nseŋ kilgi bumo be anishito n shoŋi kasawule nɛ fo ta n sa an nananyɛnana na nɛ kade nɛ fo lara ere nɛ bɔrɛlambu nɛ m pɔr n sa fo ere nseŋ kule fo,

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Jɛremaya 50:4

Nɛ Enyɛnpe Ebɔrɛ na kaŋɛ: “Jemanɛ na kaŋ fo, Israɛl nɛ Juda be basa kikɛ beeŋ cha abar n shu anishichubi. Kumo be kaman nɛ b bɛta m ba bumo be kasawule so m ba bunyaŋ ma.

Jɛremaya 51:50

Nɛ Enyɛnpe Ebɔrɛ na kaŋɛ mbe basa nɛ b wɔ Babilɔn be efuli so na le, Ma basa, jemanɛ nɛ Jerusalɛm daŋ bure na, men daŋ nya n shile m mɔlga menyi be amu nna. Naniere kakpa nɛ men chena ere nɛ epe wɔ kufɔ, ama men yirda ma nseŋ fɛ Jerusalɛm be asheŋ. Men lar Babilɔn be efuli so! Men sa maŋ naŋ chena ndoŋ!

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”