Jɛremaya 28:6 - EBƆRƐ BE KAWƆL

⁶ “Enyɛnpe Ebɔrɛ na e shin nɛ kusɔ nɛ fo kaŋɛ ere gbagba e wora m bɔlɔ so loŋ. Mee tama fanɛ e daŋ bɛta asɔ kama nɛ Babilɔnebi na ta ashi bɔrɛlambu ere to nɛ anyi be basa nɛ b daŋ pɛ n yɔ Babilɔn be efuli so na m ba, k beeŋ par ma.

Jɛremaya 28:6 Iomraidhean Croise

1 Bewura 1:36

Nɛ Bɛnaya kaŋɛ: “Anyeeŋ wora loŋ yeramu. Enyɛnpe Ebɔrɛ nɛ e la anyi be ewura be Ebɔrɛ na e shin nɛ loŋ e wora.

1 Kronikɛls 16:36

Men di Enyɛnpe Israɛl be Ebɔrɛ na epaŋ! Men di mo epaŋ naniere hale mbaanaayɔ! Ndoŋ nna nɛ basa na kikɛ shuli so ŋ kaŋɛ le: “Amɛn” Nseŋ di Enyɛnpe Ebɔrɛ epaŋ.

Nshɛ 106:48

Enyɛnpe, Israɛl be Ebɔrɛ, fo e daga esa ka kpaŋ fo mbaanaayɔ. Shin nɛ ekama e kaŋɛ, “Amɛn!” Men kpaŋ Enyɛnpe Ebɔrɛ na!

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 89:52

Men baa kpaŋ Enyɛnpe Ebɔrɛ na mbaanaayɔ! Amɛn! Amɛn!

Jɛremaya 11:5

Kumo be kaman nɛ n wora m bɔlɔ kɔnɔ nɛ n nase n sa bumo nanaana na fanɛ meeŋ sa bumo kasawule lela nɛ k bee wora adɔjibi nɛnɛ nɛ b kɔ naniere na so.” Kede be kaman nɛ ŋ kaŋɛ le: “Mm, Enyɛnpe Ebɔrɛ, k la kashenteŋ nna.”

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Jɛremaya 28:3

Ta a ba nfɛ nyɔ be kefɛato, meeŋ bɛta bɔrɛlambu ere to be shuwa nɛ gbiti be asɔ lela nɛ ewura Nebukadneeza ta ashi Jerusalɛm n yɔ Babilɔn be efuli so na m ba nfe.

Zakareya 6:10

“Sɔ shuwa nɛ gbiti be ŋkɛ ashi Helda nɛ Tobija nɛ Jedaya nɛ b la basa nɛ b shi Babilɔn be efuli so m bɛta na kutɔ n wora kuwurwuro. Kumo be kaman nɛ fo nɛ bumo e yɔ Josaya nɛ e la Zefanaiya pibinyɛn na pe n ya ta kuwurwuro na m buu bɔrɛmatapo nimuso Joshuwa nɛ e la Jehozadak pibinyɛn na.

Nɔmbɛs 5:22

Nchu ere e naŋ shin nɛ fo epun e tiŋ nɛ fo ki egbentepo malɛ gba n ti so.” Ndoŋ nna nɛ eche na e shuli so ŋ kaŋɛ le: “Mm, ma alɛ gba shuli loŋ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

1 Kɔrintebi 14:16

Nɛ fee ta fo kiyoyu a chɔrɔ Ebɔrɛ, nuso nɛ esa pɔtɛ mo nɛ e ba asɔri na to ŋkaa maa nu ŋgbar na bee wora a shuli ‘Amɛn’ a wɔtɔ fo kechɔrɔ na to? Ŋkpal manɛ so, e maŋ nyi kusɔ nɛ fee kaŋɛ.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 19:4

Nɛ bejuŋkparpo adunyɔ nɛ ana na nɛ asɔbɔya keniso ana gbir n dese kasawule m maŋ Ebɔrɛ mo nɛ e daa tase kuwurputi so na so nseŋ kaŋɛ awɔrso: “Amɛn. Halleluya.”

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 5:14

Ndoŋ nna nɛ asɔbɔya keniso ana na kikɛ shuli ŋ kaŋɛ: “Amɛn.” Nɛ bejuŋkparpoana na gbir n dese kasawule m maŋ mo so.