Jɛremaya 28:14 - EBƆRƐ BE KAWƆL

¹⁴ Enyɛnpetale, Israɛl be Ebɔrɛ, na kaŋɛ fanɛ e beeŋ ta kebɛlso be kubɔ to be kebarga n wɔtɔ efuliana ere kikɛ be basa be abɔ to nɛ b baa shuŋ Babilɔn be ewura Nebukadneeza. E yɛ, e beeŋ shin nɛ ewura Nebukadneeza e ji eleŋ kupuŋ to be asɔbɔya gba so.”

Jɛremaya 28:14 Iomraidhean Croise

Jɛremaya 15:12

Kede be kaman nɛ Enyɛnpe Ebɔrɛ naŋ kaŋɛ ma fanɛ ŋ kaŋɛ basa na le: “Juda be basa, kananɛ menyi maaŋ tiŋ m bu kebɛlso nɛ epal be weato to na, aloŋ nɛ menyi maaŋ tiŋ ŋ kɔ m pɔɔ bedoŋ nɛ baaŋ shi kelargato be esoso be kaba so m ba kɔ menyi na so.

Jɛremaya 27:4

Nɛ Enyɛnpetale, Israɛl be Ebɔrɛ na naŋ kaŋɛ ma fanɛ ŋ kaŋɛ bumo kusɔ nɛ e kaŋɛ na kenishipereso fanɛ

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 40:4

To, kabre mee lara ŋgbɛlɛbi ere fo enɔana to nna nɛ fo nya fo kumu. Nɛ fee sha ketu ma n yɔ Babilɔn be efuli so, feeŋ tiŋ n yɔ nɛ m baa keni fo so. Nɛ fo maa sha keyɔ malɛ, feeŋ tiŋ ŋ kini keyɔ. Efuli ere kikɛ dese nna n sa fo nɛ fo lara kusɔ nɛ fee sha. Feeŋ tiŋ n yɔ kaplɛkama nɛ fee sha.”

Nfabel 1:14

Kewora fanɛ Enyɛnpe Ebɔrɛ na gama anyi be alubi kikɛ n chɛ n shiga anyi be abɔ so nna nɛ amo be egbɛ shin nɛ anyi be eleŋ kikɛ lar anyi to. E ta anyi m bɔɔ an doŋana nɛ b chɔ anyi eleŋ ga enɔ nna, nɛ anyi maŋ kɔ shɛŋ nɛ an wora bumo be anishito.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Hoziya 10:11

Saŋko, Israɛlebi daa kɔ kasonu nna fanɛ kena nɛ baa keta a bir ayu na, ama meeŋ ta kubɔ to be kebarga n deŋi mbe kubɔ lela na so n shin nɛ e shuŋ ashuŋ kpakpaso. Judaebi nɛ Israɛlebi kikɛ beeŋ keta ntekpa n dɔ.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.