Jɛremaya 27:9 - EBƆRƐ BE KAWƆL

⁹ Men sa maa nu a sa menyi be anebiana ŋko basa nɛ baa kaŋɛ fanɛ bumo ere bee tiŋ a bɔla edare so ŋko a tre basa nɛ b wu be ayoyu a bishi so ŋko a kpal a wu echefoso be asheŋ a kute na. Ŋkpal manɛ so, bumo kikɛ bee kaŋɛ menyi nna fanɛ men sa maa nu a sa Babilɔn be ewura Nebukadneeza.

Jɛremaya 27:9 Iomraidhean Croise

Ɛksodɔs 22:18

Eche kikɛ nɛ e kɔ kegba be ŋkilgisheŋ, b mɔ mo.

Ɛksodɔs 7:11

Ndoŋ nna nɛ Fɛɛro malɛ tre mbe benyiashempo nɛ ŋkilgiwuraana nɛ bumo alɛ gba ba ta bumo be ŋkilgi n wora loŋ gbagba chap.

Aŋasa 19:27

Fo baŋ yige kebaa koya, feeŋ teŋ kusɔ nɛ fo nyi gba so.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 23:16

Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Jɛremaya 23:25

N nyi kusɔ nɛ anebiana ere bee ku efɛ a kaŋɛ kikɛ. B yɛ ma e naa sa bumo ma abɔya ashi bumo be edareana nɛ ebɔrɛdare to.

Jɛremaya 29:8

Ma, Enyɛnpe, Israɛl be Ebɔrɛ na bee kpele menyi kusoe nna fanɛ men sa maŋ shin nɛ anebiana nɛ b wɔ menyi to na ŋko bekama nɛ baa kpal a wu asheŋ na e fule menyi. Men sa maŋ kaa nu a sa bumo.

Ezikɛl 21:29

Ebɔrɛdare nɛ menyee ku na la efɛ nna, nɛ asheŋ nɛ men kpal n wu na kikɛ la kafulesheŋ. Menyi amu kpakpasowuraana nɛ basa lubi ere, menyi be kasogberge be kachɛ bee ba; tokobi na beeŋ gbelge menyi be abɔ so.

Danɛl 4:7

B ka ba shɛr nɛ ŋ kaŋɛ bumo ma edare na. Ama b daa maŋ tiŋ ŋ kaŋɛ ma kumo be kifito.

Maika 3:7

Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

Zakareya 10:2

Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ashuŋ Shunso 8:11

Saŋɛ nɛ e daŋ fara a wora emamachisheŋ ŋana so damta na daa maŋ taga to, amoso, b daŋ bugi bumo be asoe kikɛ nna n nu kusɔ kikɛ nɛ e daŋ kaŋɛ bumo.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Ditɛronɔmi 13:2

a fin kananɛ baaŋ nya menyi nɛ men shuŋ agbirana nɛ menyi maŋ naŋ shuŋ ŋ ku so. Nɛ k kaŋ ba loŋ

Ditɛronɔmi 18:14

Ndoŋ nna nɛ Mosis naŋ kaŋɛ le: “Kasawule nɛ menyee yɔ nɛ men ya sɔ n chena so ere so, basa bee nu nna a sa basa nɛ baa kpal nsaa bishi so. Ama Enyɛnpe menyi be Ebɔrɛ na maŋ sa menyi ere akpa fanɛ men baa wora loŋ kikɛ.

Joshuwa 13:22

Basa nɛ Israɛlebi na daŋ mɔ na be eko e daa la lejipo nɛ baa tre Balaam nɛ e daa la Beyɔ pibinyɛn na.

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Kelaraŋŋini 9:21

Bumo alɛ maŋ naŋ lar bumo be kamɔ nɛ ŋkilgi nɛ kesakaleasheŋ nɛ bumo be kayu to.