Jɛremaya 27:5 - EBƆRƐ BE KAWƆL

⁵ mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 27:5 Iomraidhean Croise

Jɛnesis 1:25

Ebɔrɛ ka to amo kikɛ na nɛ e wu fanɛ kusɔ kama walɛ.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Nehemaya 9:22

Fo daŋ chɛ bumo to nɛ b pɔɔ bewura so n suge bumo be nsawule. Hɛshbɔn be efuli so be ewura Sihɔn, nɛ Baashan be efuli so be ewura Ɔg gba daŋ ti bewura nɛ b daŋ pɔɔ so na so nna.

Nshɛ 102:25

Sososo na kikɛ nɛ fo to durnya n yili kumo be gbaltɔlase so. Fo gbagba be enɔ nɛ fo ta n to ebɔrɛso gba.

Nshɛ 96:5

Efuli pɔtɛana so ebi bee shuŋ agbirana nna; ama Enyɛnpe Ebɔrɛ na e to ebɔrɛso.

Ɛksodɔs 20:11

Ŋkpal manɛ so, nchɛ ashe nɛ ma, Enyɛnpe Ebɔrɛ na ta n to esoso nɛ kasawule nɛ teku nɛ asɔ nɛ a wɔ amo to kikɛ nseŋ wushi kachɛ shunusopo na, amoso ma, Enyɛnpe Ebɔrɛ na nɛfa kewushiachɛ na nna nseŋ ta kumo ŋ ki kachɛ cheembi.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 48:13

Ŋ gbagba be enɔ nɛ n ta n to durnya, nseŋ shin nɛ awɔlpa parga to n sɔ kaplɛkama. Kusɔ kama nɛ m baŋ yili n sa amo, e bee nya manaŋ a wora ma kasonu epul to nna.

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Jɛremaya 27:4

Nɛ Enyɛnpetale, Israɛl be Ebɔrɛ na naŋ kaŋɛ ma fanɛ ŋ kaŋɛ bumo kusɔ nɛ e kaŋɛ na kenishipereso fanɛ

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 4:14

nseŋ boŋ to eleŋso ŋ kaŋɛ le: Men ku kedibi na n lɛ nseŋ kpele kumo be ayabi so. ‘Men nyia kumo be afantaŋ n lɛ nseŋ franyaŋ kumo be asɔrso to n lɛ. Men ju asɔbɔya ashi kumo be kifito nseŋ ju mbuibi nɛ b jɔŋ kumo be ayabi so na.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Ditɛronɔmi 2:19

Menyeeŋ taga Ammɔnebi nɛ b la Lɔt be kaman to ebi na be kasawule to, ama men sa maŋ kaŋ tɔrɔ bumo ŋko n fara kena nɛ bumo; ŋkpal manɛ so, m maaŋ ta kasawule nɛ n ta n sa bumo na be kaba kama n sa menyi.”

Ditɛronɔmi 2:21

Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 2:9

Ndoŋ nna nɛ Enyɛnpe Ebɔrɛ na kaŋɛ ma le: “Men sa maŋ kaŋ tɔrɔ Mowab be basa nɛ b la Lɔt be kaman to ebi na ŋko n fara kena nɛ bumo. N teŋ ta kadegboŋ nɛ baa tre Ar na nna n sa bumo, ma alɛ maaŋ ta bumo be kasawule be kaba kama n sa menyi.”

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.

Ditɛronɔmi 4:17

ŋko kusɔbɔya ŋko kabuibi,

Ditɛronɔmi 4:25

Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.

Ditɛronɔmi 4:32

Men bishi asheŋ to nɛnɛ a laŋɛ dra na be kaplɛa so. Kumo e la fanɛ pɔɛŋ nɛ b kurge menyi na hale n ya fo jemanɛ nɛ Ebɔrɛ to edimɛdi na nseŋ to kenishi ŋ keni durnya ere kikɛ to, kusɔ gboŋgboŋi ko fanɛ kede daŋ wora kikɛ a? Esa daŋ nu le be kesheŋ ere ŋ ku so a?

Ditɛronɔmi 4:35

Enyɛnpe Ebɔrɛ na daŋ wora ade kikɛ nna ŋ ŋini menyi, saŋɛ na so menyeeŋ pin fanɛ mo nawule e la Ebɔrɛ nɛ ekama maŋ naa wɔtɔ n ti mo so.

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 9:29

Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”