Jɛremaya 27:22 - EBƆRƐ BE KAWƆL

²² Babilɔn be basa beeŋ ba sulɔ amo alɛ gba n yɔ bumo be efuli so nɛ e ya kaa wɔ ndoŋ n ya fo saŋɛ nɛ meeŋ shin nɛ b naŋ bɛta amo m ba amo be kakpa ashi Jerusalɛm to. Ma, Enyɛnpe Ebɔrɛ e kaŋɛ na.”

Jɛremaya 27:22 Iomraidhean Croise

2 Bewura 25:13

Babilɔn be benapo na daŋ bɛa danyaŋ be eshabɔrɛ nɛ eturko nɛ danyaŋ be katishaŋgboŋ nɛ baa tre Teku nɛ k daa wɔ bɔrɛlambu na to na to nna nseŋ lara amo be danyaŋ na kikɛ n yɔ Babilɔn.

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Ɛzra 1:11

Shuwa nɛ gbiti nɛ asɔ pɔtɛ nɛ a ti so na kikɛ daa wɔ ŋgboŋ anu nɛ alfa ana. Nɛ Shɛshbaza nɛ mo braana nɛ b yɔ kenyaya to na bɛta amo n shi Babilɔn m ba Jerusalɛm.

Ɛzra 7:19

Asɔ kama nɛ b ta n sa fo fanɛ fo ta n ya shuŋ Ebɔrɛ ashi bɔrɛlambu na to na, daga fanɛ fo ta amo n ya wora loŋ.

Ɛzra 7:9

Kufɔl juŋkparso na be kachɛ juŋkparso na nɛ e daŋ koso Babilɔn be efuli so nseŋ ba fo Jerusalɛm kufɔl nusopo na be kachɛ juŋkparso. Ŋkpal manɛ so, Ebɔrɛ be kuwɔr wu be nɛfa daa wɔ anebi Ɛzra so nna.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Jɛremaya 20:5

Ma alɛ beeŋ naŋ shin nɛ bumo doŋana e ba fuu kadegboŋ na to be asɔ lela kikɛ nseŋ suge kumo to be mpetɛsɔ kikɛ nyam, hale Juda be bewuraana be amansherbi nɛ yawu kpakpaso be asɔ, n sulɔ amo kikɛ n yɔ Babilɔn be efuli so.

Jɛremaya 27:21

“Men nu kusɔ nɛ ma, Enyɛnpetale, Israɛl be Ebɔrɛ na bee kaŋɛ a laŋɛ asɔ lela nɛ a ka a wɔ bɔrɛlambu na to nɛ ewurkpa nɛ k wɔ Jerusalɛm to na be kaplɛa so.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 32:5

Kumo be kaman nɛ b ta ewura Zɛdikaya n yɔ Babilɔn be efuli so, nɛ e ya kaa wɔ ndoŋ n ya fo fanɛ ŋ ka beeŋ wora mo kusɔ nɛ mee sha n loge. Nɛ e kɔ Babilɔnebi na kena gba, e beeŋ kɔ n tɔr. Ma, Enyɛnpe Ebɔrɛ e kaŋɛ na

Jɛremaya 34:2

“Ma, Enyɛnpe Ebɔrɛ na beeŋ shin nɛ Babilɔn be ewura Nebukadneeza e kɔ m pɔɔ kadegboŋ ere so nseŋ chɔɔ kumo n lɛ.

Jɛremaya 34:3

Baaŋ pɛ fo n yɔ ewura Nebukadneeza kutɔ nɛ fo nɛ mo e wu abar kenishiso nseŋ malga abar kutɔ. Kumo be kaman nɛ b yɛr fo Babilɔn be efuli so.

Jɛremaya 34:5

Feeŋ wu kayurwushi so nɛ b puga ndishiŋ n shu fo keeli m a ŋini bunyaŋ nɛ b kɔ a sa fo. Baaŋ shu fo keeli fanɛ kananɛ b shu fo nananyɛnana nɛ b daa la bewura nseŋ wu na be nli na. Baaŋ baa shu fo keeli a kaŋɛ: ‘Anyi be ewura e wu! Anyi be ewura e wu o!’ Ma, Enyɛnpe Ebɔrɛ e kaŋɛ na.”

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 9:2

Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.